«خايفين من جمهوري».. محمد رمضان يكشف سبب غياب الدعاية لحفل العلمين الجديدة

تحدث الفنان محمد رمضان عن جدل عدم الترويج حفله الجديد، والمقرر له يوم 14 أغسطس المقبل، في مدينة العلمين الجديدة.

نشر محمد رمضان مقطع فيديو عبر حسابه الرسمي بموقع فيس بوك، قال به: «بما إننا في 2026 وعصر غريب، وممكن تصحوا من النوم تلاقوا أى حاجة، متستغربوش».

وتابع: «شيء غريب حصل لي النهاردة في الحاجات اللي بتحصل في 2026.. حفلتي يوم 14 أغسطس 2026، ودي الحفلة الوحيدة اللي بعملها في مصر».

واستكمل محمد رمضان: «وبيجيلي فيها كل جمهوري وحبايبي، وملقتش دعاية للحفلة خالص وكلمت المنظمين قولتلهم فين يا جماعة الدعاية؟ قالولي لا، إحنا خايفين نعمل دعاية وخايفين من جمهورك».

واختتم: «وإحنا عايزين الدعاية تكون في إطار الساحل الشمالي بس لكن يا جماعة أنا عايز أعمل حفلة لجمهوري كله، لقيتهم بيقولوا إحنا عندنا حفلة بس مش هنقول عشان التكدس.. قولتلهم خلاص يا جماعة، مش هقول لجمهوري إن عندي حفلة في الساحل الشمالي يوم 14 أغسطس المقبل، وتفهمت كلامهم، ومش هعرف الناس.. وادعولي بقى».