خبير تكنولوجيا المعلومات يكشف مخاطر تريند اصنع صورتك.. فيديو

علق المهندس محمد الحارثي، خبير تكنولوجيا المعلومات، على التريند المنتشر عبر مواقع التواصل الاجتماعي، والذي يعتمد على إنشاء صور كاريكاتيرية ساخرة باستخدام تطبيقات الذكاء الاصطناعي، موضحًا أن الأمر في إطاره العام ترفيهي، لكنه يحتاج إلى وعي في التعامل مع البيانات الشخصية.

وقال خلال مداخلة هاتفية مع الإعلامية ميار الخولي في برنامج 'ترند بلس' المذاع على قناة 'صدى البلد2': ' صورنا حالياً بقت موجودة بروفايل على فيسبوك وعلى حسابات السوشيال ميديا، فبالتالي الشكل أو فيما يتعلق بالبصمة البيومترية ده نطاق تاني خالص بعيد عما يتم، اللافت للنظر هنا إن التطبيق بيفاجئنا بإن عنده تفاصيل عملها في تكوين بصري اللي هي الصورة اللي طلعت، تفاصيل الصورة اللي بنشوفها بنلاقي إن المخاطر هنا إن الـ (AI) أو التطبيق عارف عننا تفاصيل كتير قوي والتفاصيل دي مش بينساها'.

وأضاف أن الخطر الحقيقي لا يكمن في التريند نفسه، بل في اعتياد المستخدمين على مشاركة صورهم وبياناتهم بشكل مفرط دون الانتباه لحدود الخصوصية، لافتًا إلى أن تطبيقات الذكاء الاصطناعي التوليدي تعتمد على الأوامر النصية (Prompt) لتكوين محتوى بصري، وقد تعكس في نتائجها تفاصيل سبق أن شاركها المستخدم خلال تفاعلاته.

وتابع: ' كل يوم بسأل الذكاء الاصطناعي وبطلب منه حاجة، فده  بيخزن فعلاً المعلومات الخاصة بيا، ولما طلبت منه في التريند ده إنه يكون صورة تعبر عن كل اللي يعرفه عني بدأ يحط تفاصيل جوه الصورة بناءً على المعلومات اللي متخزنة عنده من المحادثات اللي حصلت بيني وبينه، وده المخاطر اللي بنقولها دايماً'.

وذكر: 'تطبيقات الذكاء الاصطناعي ليها فوايد كتيرة فمش المفروض تتحجب طبعاً، المفروض نستخدمها استخدام جيد ورشيد، أما فيما يتعلق بمنصات التواصل الاجتماعي فده موضوع تاني، في خطوة ممتازة دلوقتي في مجلس النواب لمناقشة القوانين المنظمة لتواجد المنصات والتحقق من هوية المستخدم عشان حماية الأطفال أو فئات عمرية معينة'.