دنيا عبدالعزيز: اتغيرت بعدما بقيت أم وعندي خوف مطلق

تحدثت الفنانة دنيا عبدالعزيز عن التغيّر الذي طرأ على شخصيتها، بعدما أصبحت أم.

قالت دنيا عبدالعزيز عبر تصريحات تلفزيونية: «أكتر حاجة اتغيرت في حياتي بعدما بقيت أم إني بقيت بخاف بقى عندي خوف على بنتي وعلى نفسي وخوف من المستقبل خوف في المطلق».

تغيرات دنيا عبدالعزيز بعد الإنجاب

وتابعت: «كان من بعد أمي ما توفت بطلت أخاف لحد ما بنتي اتولدت بدأت الحكاية تتغير خالص بقيت بخاف عليها وبقيت بخاف من كل حاجة عشانها».

ووجهت دنيا عبدالعزيز نصيحة للأمهات، قائلة: «أنا معنديش خبرة لسه بتعلم مع بنتي لكن أكتر نصيحة أقولها لأي أم أو ست حامل وقربت تولد متسمعيش كلام حد اسمعي كلام الدكاترة وبس لأن إحنا بيبقى حوالينا ناس كتير جدًا بيحبونا ويخافوا علينا».

تصريحات دنيا عبدالعزيز

واختتمت: «لكن كل واحد هيقول لنا معلومة غير التانية وكلهم صح لكن هيبقى لخبطة كبيرة وتشتت فظيع فناخد برأي الدكتور واللي يقول عليه هو اللي نعمله بس لأني هسمع من هنا ومن طنط وخالتي وعمتي الدنيا هتتلخبط وأي أم هتتبرجل فنسمع من جهة واحدة ونركز جدا منتشتتش».