دياب: أول أجر لي 45 جنيه في عمر الخامسة عشر

تحدث النجم دياب عن بدايته الفنية والتي بدأت منذ أن كان طفلًا صغيرًا لا يعلم أن لديه صوت جيد، وكشف عن أول أجر حصل عليه.

أول أجر للفنان دياب

قال دياب في تصريحات تلفزيونية: 'مكنتش أعرف ان صوتي حلو، كانوا في المدرسة يقولولي أغني وألاقيهم مبسوطين بس أنا مش حاسس بإعجاز في اللي بعمله'.

واستكمل دياب حديثه، وقال: 'مرة كان في فرح في شارعنا بتاع حد من جيراننا وطلعوني أغني أغنية موال الصبر للأشتاذ أشرف المصري وكنت بترعش'.

تصريحات دياب

وأضاف: 'فضلت لغاية نص الأغنية وأنا بترعش ودي كانت أول أغنية أغنيها. بعدها بأسبوع صاحب الفرقة كان عنده فرح ومفيش مطرب فاضي، نده عليا وقالي أغني مقابل 45 جنيه، قولتله دة أنا أغني جدا، كان في سنة 96 وكانوا مبلغ كويس وقتها'.

واختتم دياب حديثه، وقال: 'وكان عندي 15 سنة ونص ورحت غنيت وحصل قبول عند الناس وبقوا يدوني فلوس في جيبي، وبقوا يطلبوا مني أغاني كنت حافظها. جالي حوالي 3 أفراح يوميها. فبقيت اشتغل مغني يوميا'.