دينا فؤاد عن استمرار القصف في غزة: نعتاد إزاي مشهد أشلاء بني آدمين وأطفال

تواصل الفنانة دينا فؤاد التضامن مع شعب فلسطين وأهل غزة، بعد انهيار الهدنة واستمرار القصف من قبل الاحتلال الإسرائيلي.

وكتبت الفنانة دينا فؤاد في منشور عبر خاصية الستوري التابعة لحسابها الرسمي بموقع انستجرام: «مشهد إيه اللي نعتاده؟.. نعتاد إزاي مشهد أشلاء بني آدمين وأطفال وجثث أطفال رضع فالحضانة.. نعتاد إزاي أم ماسكة إيد ابنها اللي مهدود عليه مبنى کامل ومش باين منه غير إيده».

تعليق دينا فؤاد على القصف في غزة

وتابعت: «نعتاد إزاي مشاهد التعذيب وخطف وإهانة الرجالة والشباب والولاد الصغيرة.. نعتاد إزاي منظر الأم وهي جرا ولادها وماشية بيهم 14 كيلو على رجليها عشان مبقاش عندها بيت ولا مأوى.. نعتاد إزاي منظر الدكاترة وهما متبهدلين وما شافوش يوم راحة ويتفاجأوا بعيالهم داخلين المستشفيات مستشهدين قدام عينيهم.. نعتاد إزاي ضرب المدارس والجوامع والمستشفيات.. نعتاد إزاي ناس تحت الأنقاض وصوتهم طالع ولسه فيهم روح».

واستكملت الفنانة دينا فؤاد تعليقها على حرب غزة: «نعتاد إزاي منظر الناس والأطفال المبتورة.. نعتاد إزاي منظر الراجل المصاب اللي ماشي متعلقله محاليل وماشي بالحالة دي 14 كيلو على رجليه.. نعتاد إزاي منظر العيال المصابة فالمستشفيات اللي صحيت لقت نفسها يتيمة».

تعليق دينا فؤاد على القصف في غزة

تصريحات دينا فؤاد

وكتبت أيضًا: «نعتاد إزاي مشاهد اتحفرت في ذهننا ومع ذلك كل ما بنشوف كارثة جديدة كأننا عمرنا ما شوفنا البشاعة والجحود ده قبل كدة ونعيش الشعور كله من أول وجديد.. بقالنا 50 يوم بنموت كل يوم ونصحى نعيد كل ده من أوله تاني ونعيش تروما أفظع من اليوم اللي قبليه، مفيش ولا حاجة واحدة مصبرانا على البلاء غير إننا عارفين أنهم شهداء وأحياء عند ربهم يرزقون وإن الكيان الثاني، وقود النار ومكتوبله حياة مخلدة فالعذاب».

واختتمت الفنانة دينا فؤاد: مفيش حاجة مصبرانا غير وعد ربنا لينا وليهم، وأنه في آخرة موعدين بيها نشوف الكيان ده وهو بيتحاسب، ربنا يصبرهم ويصبرنا احنا كمان ويحافظ على يقينا وتوكلنا عليه دايما، لأن كل ده بنمتحن فيه دلوقتي».

تعليق دينا فؤاد على القصف في غزة