رامي جمال: سعد لمجرد متربي واحنا مش أنبياء كلنا بنغلط

تحدث المطرب رامي جمال عن تفاصيل التعاون الذي حدث بينه وبين النجمة اللبنانية إليسا وسعد لمجرد في أغنية من أول دقيقة.

رامي جمال يتحدث عن أغنية من أول دقيقة

قال رامي جمال في تصريحات تلفزيونية أنه لم يكن على علم بوجود سعد لمجرد في أغنية من أول دقيقة: 'اليسا كانت مخبية عليا أن سعد لمجرد هيشارك معاها في الأغنية معرفش السبب ليه'.

وتابع: 'أنا عشان اللحن يظبط معايا أصريت إن أعرف مين عشان أعرف أطلع شغلي بشكل كويس، وممكن يكونوا مقالوش عشان مكنوش اتعاقدوا بشكل رسمي مع سعد لمجرد'.

رأي رامي جمال في قضية سعد لمجرد

واستكمل رامي جمال حديثه، بالكشف عن رأيه في قضية سعد لمجرد، وقال: 'معنديش مشكلة مع قضيته هو لحد دلوقتي مصدرش حكم ضده وياما سمعنا عن المشكلة دي مع لاعبين كرة وطعلوا مظلومين، وبعدين سعد بيقدم فن مليش دعوة بحياته الشخصية'.

واختتم حديثه، وقال: 'على تعاملي معاه سعد لمجرد متربي جدًا  ولو ليه غلطات فإحنا مش أنبياء وكلنا بنغلط ومغلطش غلط كبير إن حد يقولي انت بتتعاون معاه ليه'.

رامي جمال وعمرو دياب

تحدث المطرب رامي جمال عن الهضبة عمرو دياب، مؤكدا أنه النجم الأول بمقاييس السوق وطموحه في النجاح كبير، كما تحدث عن العمل الفني كونه يسرق العمر.

وقال رامي جمال، في تصريحات تليفزيونية: عمرو دياب نمبر وان بمقاييس السوق وتامر حسني فنان شاطر بس مش رقم واحد ولسه بدري على هذا اللقب وممكن نقول عليه نمبر وان بعد 40 سنة مع استمرار النجاح.

رامي جمال ومحمد منير

وتابع، أنه من عشاق مدرسة محمد منير «منير بيقدم اللي عايزة وكلام أغانيه فلسفي ومزيكته مختلفه وبيعمل اللي هو عايزة وعمرو دياب محقق نجاح وغيرة فنية كبيرة».