رامي جمال يعتذر لزوجته : أصابني عدم التوفيق في استخدام الكلام بعيد ميلادك

نشر المطرب رامي جمال عبر صفحته الرسمية علي 'إنستجرام' صورة جديدة له برفقة زوجته ناريمان، ليعتذر بسبب رسالته الأولى في عيد ميلادها الذي أثار جدلا عبر السوشيال ميديا.

وعلق 'جمال' على الصورة، قائلاً:'آسف لو اضايقتي يوم عيد ميلادك مني بشكل مباشر أو غير مباشر.. أصابني عدم التوفيق في استخدام كلامك وهزار اعتبره البعض استهزاء، وانتقاصا من أهم شخص في حياتي رغم أني عارف وواثق في تفكيرك وطبيعة حياتنا اللي بمميزاتها وعيوبها قررت أنها تكون مش للعلن'.

وأضاف، 'الآراء السلبية اللي شفتها واللي إنتى شفتيها لمجرد محاولتك إثبات إن كلامي عنك هو أصلا بوست ليكي قبل البوست بتاعي جدعنة منك غير مستغربة للأسف قوبلت بأنك شفتي فعلا كلام من البعض يضايق وبما إننا عايشين مع ناس ف اأنا بعتذر لك عن اللي حستيه بسبب هزار عارف إنك قابلاه بس من حب ربنا فيكي ومن سوء التوفيق ليا أن الناس شافته إهانة وقررت تدافع عنك.. من غير كلام كتير أسف لك وآسف للي ضايقهم الموضوع وشكرا جدا ليكي واللي فهموا قصدنا من الأول”.

وتابع، 'بس الدرس المستفاد إني غلطت في نشر حياتي للعلن أوعدكم مفيش كلام غير في اللي بشتغل فيه، بحبك'.

لترد زوجته، ناربمان علي المنشور قائلة: 'مش عارفة بتتأسف ليه وعلي إيه وبقولك تاني طريقة هزارك مش بتضايقني ولا هزاري معاك بيضايقك ولا يضايق الناس... مش محتاجة أسف وأنا بحبك زي ما أنت'.

وقد هنأ الفنان رامي جمال زوجتة بعيد ميلادها و علق قائلا :'يارب انت عارف اني اتجوزتها وهي عيد ميلادها ذكري الزلزال القوي اللي جه مصر وانهارده عيد ميلادك برق ورعد وحاجه فله كده عرفت انا ليه لما غنيت سقف كورونا غزت العالم ' .

وأضاف، 'الحمد لله اننا مخلفناش لاني واثق ان ابننا كان اكيد هيبقي المسيخ الدجال نهايه العالم هتبقي بدايتها من بيتنا كل سنه وانتي اول واخر واحلي وارخم حاجه في حياتي بفكر اطلقك علشان اخد الدريسينج والحق يرجع لاصحابه happy birthday .

وكان الفنان رامي جمال، طرح الأغنية الخامسة بعنوان 'كنا ممكن نتفق'، من ألبومه 'ولسه'، وهى من كلمات أحمد حسن راؤول وألحان محمد حمزة وتوزيع أمين نبيل.

أول تعليق من رامي جمال على وفاة شقيقة زوجته بكورونا

رامي جمال يحتفل بعيد ميلاد زوجته : «بفكر اطلقك»