رانيا يوسف: إحنا بنتولد والرقص في دمنا

تحدثت الفنانة رانيا يوسف عن حبها للرقص والرياضة، بجانب كواليس تجربتها في الغناء.

قالت رانيا يوسف عبر تصريحات تلفزيونية: «بحب الرقص من يوم ما اتولدت، البنات كلها بتحب الرقص اعتقد أن إحنا بنتولد بنحب الرقص في طبيعتنا ودمنا».

تصريحات رانيا يوسف عن الرقص

وتابعت: «بس طبعًا بنبقى خجولين كتير والمجتمع وعيب مترقصيش وكده، أنا بحب الرياضة والرقص نوع من الرياضة بتخسري وزن وبتطلعي طاقة سلبية وبيكون مودك حلو».

واستكملت رانيا يوسف: «وتقريبًا كل يوم بروح الجيم لو معنديش شغل بس ساعات بزهق هو نفس التمرين ونفس المكان وببقى عايزة اتحرك وأخسر وزن وفي نفس الوقت أكون في مود حلو واتسلى وارجع البيت فرفوشة».

تجربة رانيا يوسف في الغناء

وفيما يخص كواليس تجربتها في الغناء، علقت قائلة: «أنا مش مطربة قلت أجرب و ألعب، أنا بحب ألعب أنا بحب المخاطرة في الحياة، طول ما بتجربي هتعرفي إذا كنتي هتنجحي أو تفشلي وهتعرفي بتحبي إيه ونفسك تعملي إيه جربتيه لقيته نجح أو جربتي ولقيتي فشل دا لطيف».