رحلة محمد هنيدي في الفن قبل الشهرة.. 15 عاما من المعاناة

كشف الفنان محمد هنيدي كواليس معاناته في مشواره الفني، على مدار 15 عامًا قبل الشهرة والنجومية.

قال محمد هنيدي عبر تصريحات تلفزيونية: «15 سنة قبل فيلم إسماعيلية رايح جاي، كان في رحلة معاناة هي مكنتش معاناة لدرجة التعذيب، لكن كانت معاناة في بداية المشوار واترفضت في شغل كتير».

بدايات محمد هنيدي

وأضاف: «شاركت في عمل وصورت يوم واحد وكنت لسة جديد واكتشفت إنه مش هينفع أقدم نفسي في العمل مقتنعتش يعني، اعتذرت ومشيت وعملوا ليا مشاكل بس مشيت، وطوال المشوار حاسس إن ربنا هيكرمني، ودايمًا ربنا بيبهر العبد وأعطاني أكتر ما أتمنى، وكله بفضل الله بتلاقي مشوارك بقى موضوع كبير».

واستكمل محمد هنيدي: «كلنا أكيد حلمنا ولكن كان في حدود للحلم حسب الظرف اللي كنا فيه وقتها لكن مستحيل كنا نحلم باللي إحنا فيه لم يأت في خيالنا».

وقال أيضًا: «ذات مرة قبل تصوير مسلسل البخيل وأنا تم ترشيحي لدور توفيق توفيق البدري في مسلسل ليالي الحلمية الذي قام به الزميل علاء مرسي ولم أشترك فيه لأني كنت حابب ابدأ بشكل معين لحد ما ربنا كرمني بمسلسل البخيل وأنا».

محمد هنيدي

تصريحات محمد هنيدي

وأشار إلى أن أول عمل له كان أثناء دراسته بالمرحلة الابتدائية، مضيفًا: «لأني كنت عامل قلق في البيت وإمبابة كلها، وعملت بالحدادة مع جدي بـ 5 جنيه في الشهر، وفي أول يوم عمل لي مع جدي حداد مسلح أصبت يده بـ المرزبة».

وتابع محمد هنيدي حديثه: «وأول 10 آلاف جنيه أخدتها من مسلسل تيمون وبومبا اشتريت بها عربية صغيرة، وعملت بها حادثة بعدما اصطدمت بأتوبيسين».

واستكمل: «أنجزت مسلسل تيمون وبومبا في عشر أيام وبعدها كنا بنقدم مسرحية آلابندا، وأنا فرحان بالسيارة ورايح المسرح، تصادمت مع أتوبيس، كملت مشواري وروحت لحد مسرح الفردوس والعربية كانت مشوهة وأنا جواها».

محمد هنيدي