رسالة مؤثرة من لميس الحديدي في خطوبة ابنها: طوفان من الحب

أعربت الإعلامية لميس الحديدي عن سعادتها بخطوبة ابنها نور، التي اُقيمت مساء الجمعة الماضي.

ووجهت لميس الحديدي رسالة مؤثرة بعد الاحتفال بخطوبة ابنها، ونشر مجموعة صور جديدة من الحفل عبر حسابها الرسمي بموقع انستجرام.

رسالة لميس الحديدي بعد خطوبة ابنها

وعلقت قائلة: «ساعات الكلام يعجز أن يعبر عن كل المعاني.. معاني الشكر والامتنان لكل الحب والسعادة اللي حاوطتني في خطوبة ابني نور أديب وحبيبتي القمر مريم السطوحي.. المشاعر الحقيقية بتبان وبتوصل وأنا امبارح كنت في طوفان حب حقيقي وصلني من كل الناس».

وتابعت لميس الحديدي: «عائلة مريم الجميلة اللي زودوا عيلتي، أهلي وعائلة ابني وأصحابي اللي دايمًا سندي وفي ضهري.. صوت صديق عمري هشام عباس اللي ملا الدنيا فرح.. سعادة ليلى علوي وإلهام شاهين وهالة صدقي.. كل الاتصالات اللي وصلتني من مصر ومن خارج مصر.. كلها كانت امبارح طاقة فرح أمدني الله بها».

خطوبة نجل لميس الحديدي وعمرو أديب

واستكملت: «دايمًا بنسمع أغنية يا دبلة الخطوبة ونضحك ونفرح.. وأنا بقدم الشبكة كان جوايا مشاعر كتير مختلطة ده ابني نور الصغير اللي لسه كنت بوصله أتوبيس المدرسة الحمدلله كبر وبقى عريس.. وزى كل أم بتفتكر الطريق الطويل والحلم أن يصل ابنها لبر الأمان رغم الصعاب..دي حكاية كل أم وحكايتي».

واختتمت لميس الحديدي: «شكرًا لكل كلمة حب شكرًا لكل ابتسامة وضحكه من القلب، شكرًا أنكم شاركتوني فرحتي، شكرًا للدعم اللي دايمًا محتاجاه وبيسندني، ودايمًا الحمدلله الحمدلله الحمدلله فأفضالك ونعمك عليّ لا تحصى ويكفيني أنك رزقتني بابن بار وصالح وابنة جميلة بنت عيلة طيبة وأصيلة».