زوجة تبحث عن زوجها المختفي تشعل السوشيال ميديا.. ارجع يا أحمد أنا ولدت لو حصلك حاجة هموت 

أثارت رسالة الزوجة دعاء عبد العزيز اهتمام كبير من متابعي السوشيال ميديا بعد اختفاء زوجها المهندس أحمد عاطف منذ 4 أيام قبل ساعات من ولادتها لتضع مولودها الثاني سليم في ظل غياب الأب الذي اختفى ولا يعلم أحد مكانه منذ ذهابه لمشوار عادي يوم الأربعاء الماضي في مدينة المنصورة.

رسالة الزوجة

ونشرت الزوجة عبر صفحتها أمس منشور بعد ولادتها وقالت «أحمد أنت فين يا حبيبي، أنا ولدت وأنت مش معايا ومكنتش عايزة أولد أصلًا إلا لما ترجع بس قالوا غلط على البيبي.. سليم قمر بس عايز يشوفك ونفسي أشوفك وأنت شايله، أنا تعبانة من الولادة وكان نفسي تهون عليا وتمشيني وتطمن عليا كل شوية كان نفسي أنت اللي تسجل سليم وتطعم له، ارجع بس ومش عايزين أي حاجة ألا وجودك وسطنا».

واستكملت: «ارجع عشان سليم ميرضعش نكد وهم وحزن من كتر عياطي وهمي يا أحمد.. الكل كان معايا بس غيابك أنت خلاني محسش بأي أمان، مش كنا متفقين توصلني لحد العمليات».

وأضافت الزوجة دعاء 'الكل كان معايا بس غيابك انت خلاني محسش باي أمان مش كنا متفقين توصلني لحد العمليات انت وكنان انا وصلت العمليات لوحدي وانا منهاره'.

وتابعت 'ارجعلي ي احمد عشان لو حصلك حاجه هموت وراك وولادك هيتعبوا من بعدنا ارجعلي وف داهيه اي حاجه فداك ي حبيبي مهما كان تمنها ارجع لولادك اللي ملحقوش يشبعوا منك ي قلبي '.

وختمت 'يااااااارب يارب رجعلي جوزي سالم غانم واحميه من اي شر يارب ما تحرمني منه ولا تحرم ولاده منه يارب'.

رسالة زوجة