زوجة شهيد الشهامة: كان محبوب من كل الناس..و ابني بيسألني كل يوم عليه

كشفت زوجة وحيد متولي شهيد الشهامة في المنوفية، الذي دهسه القطار أثناء محاولته لإنقاذ فتاة، القصة الكاملة لشهامة زوجها، موضحة أن زوجها لم يقم من قبل بالتحرك أثناء غلق مزلقان القطار.

وقالت زوجة وحيد متولي، خلال لقائها مع الإعلامية نهال طايل ببرنامج تفاصيل المذاع على قناة صدى البلد، أنها عندما سمعت خبر اصطدام القطار بزوجها، هرولت إلى المستشفى، وعندما ذهبت علمت أن زوجها كان يحاول إنقاذ فتاة أثناء عبورها المزلقان.

وأوضحت زوجة وحيد: كنت دايما بقوله أهم حاجة في حياتنا إننا نكون حنينين على أولادنا، لازم أقوم عشان أخلي بالي من الأسرة، وأنا عارفة إنه في الجنة.

وذكرت: وحيد كان في السعودية من سنة، ولقي فجأة أوتوبيس بيولع في بنزينه وأسرع خد الأوتوبيس وطلعه بره البنزين، وأخرج الأطفال من الأوتوبيس، وأهالي الأطفال كرموه.

وأضافت: ابني بيقولي لما بصحى أو أرجع من الدروس مش بلاقي بابا، خلاص مش هنشوفه تاني، واللي شاف الحادثة ابن عمه وهو راجع من الشغل.

من جانبه قال عم المتوفي: كنت سامع الصوت وصريخ الناس لكن مكنتش أعرف في البداية إن اللي خبطه القطر هو ابن أخويا وحيد.

وتابع: وحيد لما سمع صريخ الناس والبنت على القضبان، جري بسرعة وطلع عشان يحاول ينقذها، وجه حاول ينام عشان القطر يعدي من فوقيهم لكن قدر الله.