ساموزين بعد تعرضه للهجوم بسبب عمرو مصطفى: التاريخ لا ينسى

رد المطرب ساموزين، على الهجوم الذي تعرض له بعد حديثه عن الملحن عمرو مصطفى كونه الأعظم في تاريخ الصناعة.

ساموزين وعمرو دياب

وكتب ساموزين، عبر حسابه الشخصي على موقع التواصل الإجتماعي إنستجرام: أنا من جمهور عمرو دياب ومن سنين فبلاش الكلام يبقي بالطريقة دي عليا أنا بالذات.. طول عمري بحالي ومع نفسي بشغلي والهجوم يبقي بالشكل ده وكمية المسجات اللي بتجيلي من كثير من الناس والاصدقاء والفنانين.

ساموزين وعمرو مصطفى

وتابع: أنا بتكلم علي حق عمرو مصطفي وده حقه بحكم الخبره والنجاح والمذاكرة والسفر والتطوير ده ليه إيجابيات كثيره يا جماعة ولازم تحترم جدا جدا مينفعش بجد وأمور كثيرة هذا الجيل يجب أن يطلع عليها ويعرف أن هذا الفنان صنع تاريخ كبير لمصر والوطن العربي وما زال يفعل وسجل اسمه كملحن تقيل جدا .. التاريخ لا ينسى لو نسيتوا.

وأضاف: الكلام ده بس صدقوني لو نسيتو الكلام ده عمركم مهتلاقو تاريخ يفتكركم كل التحيه لشجاعه هذا الفنان الكبير والملحن الاعظم في تاريخ هذه الصناعة في السنوات الأخيرة وكل ما يقوله حقيقي ١٠٠ في المية وحقه وحقنا كلنا.