صلي العصر ومات.. كواليس وفاة سامي سعيد لاعب مطروح

كشف الحكم حسين الكريمي كواليس وفاة سامي سعيد، لاعب مطروح، الذي توفى خلال مباراة مطروح والسلوم بدوري القسم الثالث.

وقال حسين الكريمي في تصريحات تلفزيونية خلال برنامج «ملعب البلد» الذي يقدمه إيهاب الكومي على قناة « صدى البلد»:' سامي من اللعيبة إللي ما بتنزلش كتير في الماتش، بيحتاجوه لما تكون الفر قة متعادلة، أو عاوزه تجيب هدف'.

أضاف:' سامي بينزل آخر 10 د قائق، لإن الجهد عنده بيكون قليل شوية، لعيب عنده 44 سنة وبيعرف يجيب جول، بيقعد بره على الدكة ما بينزلش غير آخر ربع ساعة'.

تابع:' لما الفرقة كانت كسبانة بهدف حصل تعادل، قالوله إنزل الملعب، مارضاش ينزل غير لما يصلي العصر الأول، وبعدين ينزل الملعب'.

واصل:' فعلًا صلى العصر ونزل الملعب، وكان فاضل بالضبط 5 دقائق والماتش ينتهي، حصل قضاء الله سبحانه وتعالى ووقع على الأرض'.

أشار:' الحكم ما شافشي الواقعة ولا أحد أخذ باله منها خالص، لحد ما الهجمة راحت نص الملعب التاني، هنا الناس نزلت الملعب وجريت عليه، المساعد الأولاني حاول يسعفه، كان كل الإسعافات شغالة على أنه بلع في اللسان'.

أتم:' طبعًا ده ما حصلش وكان عنده هبوط حاد في الدورة الدموية، تلت ساعة كتير قوي عليه إنه قعد في الملعب'.

مدرس وعمره 44 سنة.. مفاجأة في وفاة سامي سعيد لاعب مطروح

شوبير: لجنة تقصي حقائق في وفاة سامي سعيد لاعب مطروح