سر بكاء نادين خان في كواليس «بنات وسط البلد».. السبب والدها

روت المخرجة نادين خان ذكرياتها مع والدها المخرج محمد خان، في فيلم بنات وسط البلد وكيف تسبب في بكائها.

قالت نادين خان عبر تصريحات تلفزيونية: «أما عمل فيلم بنات وسط البلد كان بعد فترة من التوقف وكان عايز يقدمه بشكل معين إنتاجيًا مهم لرجوعه مرة أخرى على الساحة».

ذكريات نادين خان مع والدها محمد خان

وتابعت: «وكانت ظروف التصوير صعبة مش سهلة وبنصور في أماكن تصوير وشوارع كتير وأنا كنت المساعد الأول وأدعي إني في فترة كنت في السوق من المساعدين المهمين بعيدًا عن والدي وكنت متعودة أن لما يكون في حاجة فنية أروح أتكلم مع المخرج ياخد رأيي أو مياخدوش لكن دا جزء من شغلي طبيعي وعملتها مع مخرجين كتير جدًا».

واستكملت نادين خان حديثها عن تعاونها مع والدها المخرج محمد خان، قائلة: «قلت له أستاذ محمد المشهد دا في كذا، وأنا أبويا كان معروف أنه شخص عصبي جدًا مرة واحدة العصبية دي اتفتحت فيا، أول مرة مخرج يخليني أعيط عمرها ما حصلت بقيت واقفة وابتديت أعيط ومش عارفة اتصرف ومن ساعتها قلت مش هشتغل معاه تاني».

نادين خان ووالدها محمد خان

تصريحات المخرجة نادين خان

وأشارت إلى أن والدها حاول أن يجعل هذا الموقف يمر سريعًا وهي ساعدته واستكملت العمل حتى لا تعطل التصوير، لكنها قررت عدم العمل معه بعدها مجددًا.

نادين خان