شقيق سهام جلال يفاجئ الجميع بقرار حاسم: حذفنا كل فيديوهات الأغاني والرقص

اتخذت أسرة الفنانة سهام جلال قرارًا جديدًا، بعد وفاتها، وأعلن شقيقها حذف جميع الفيديوهات الخاصة بها التي تتضمن مقاطع رقص وغناء.

قال شقيق سهام جلال في فيديو بث مباشر على تيك توك: «تم مسح المقاطع اللي كانت ليها علاقة بالأغاني والرقص بالكامل للناس اللي بتسأل».

وتابع: «وجزاكم الله خير على النصيحة، ونتمنى من ربنا إنه يغفر لها، سهام كانت روحها خفيفة ومليانة طاقة إيجابية، ومن أطيب وأنقى القلوب اللي ممكن تتعامل معاها، والناس القريبة منها عارفة الكلام ده».

واستكمل شقيق سهام جلال: «ممكن الناس تكون فاهمة غلط إن سهام ما كانتش بتتكلم مع مها أحمد، لكن اللي حصل كان مجرد سوء تفاهم، وسهام في آخر أيامها كانت عارفة الحقيقة، وإحنا اتكلمنا وتواصلنا مع مها أحمد، وهي شخصية جميلة ومحترمة، وبقولها بيت أختك مفتوح في أي وقت».

وعلق على فيديو عيد ميلادها الأخير والزعم بشعورها بقرب الأجل، قائلًا: «الناس اللي بتتداول فيديو عيد الميلاد الأخير وبتقول إنها كانت بتشعر إنها آخر أيامها اتقوا الله، وقت عيد ميلادها نسينا نجيب الشمعة واللي كانت موجودة في البيت بالصدفة رقم زيرو، الموضوع مكنش مخطط له ولا كانت بتشعر إنها آخر أيامها زي ما بعض الدجالين بيزعموا، وهي لم تقل شيء عشان يبقى أقداركم تؤخذ من أفواهكم».

واختتم: «أنا الشخص الوحيد اللي كنت موجود معاها في الأوضة وقت وصولها الرعاية وكانت فاقدة التنفس، وبتمنى الناس اللي عمالة تحكي تفاصيل ومنهم شخصية مشهورة طلعت على التيك توك تزعم إنها صاحبتها وحبيبتها وهي أبعد ما يكون عن ده».