شقيق محمد رحيم يتراجع عن هجومه على شيرين عبدالوهاب.. والسبب تامر حسني

حرص الفنان تامر حسني على الدفاع عن الفنانة شيرين عبدالوهاب، بعد هجوم شقيق محمد رحيم عليها وإحالتها للتحقيق بنقابة الموسيقيين.

كتب تامر حسني في منشور عبر خاصية الستوري التابعة لحسابه الرسمي بموقع فيس بوك: «واثق إنها زلة لسان من شيرين لأنها من أكتر الناس اللي بتحب رحيم».

تامر حسني يدافع عن شيرين عبدالوهاب

وأضاف: «وهي اعتذرت على المسرح في وقتها وكان نيتها تكريم وطلبت الفاتحة من الجمهور، شيرين عارفة قيمة محمد رحيم الفنية لأنها فنانة كبيرة.. إنما التوتر الكبير والصدمة اللي مستحوذة على أخو رحيم مخليينه في حالة نفسية صعبة جدًا مخليينه مش عارف يفكر بأحسن شكل لفراق أخوه اللي كان كل شيء في حياته.. ارحموا من في الأرض يرحمكم من في السماء».

ومن جانبه، رد طاهر رحيم شقيق الملحن الراحل محمد رحيم، على رسالة تامر حسني، من خلال منشور عبر حسابه الرسمي بموقع فيس بوك، قائلًا: «الوحيد اللي حاسس وعارف حقيقة كل اللي عديت بيه نفسيًا أنا وكل أسرتنا هو أخويا وأخو رحيم التالت الصادق الجميل تامر حسني.. الله يسترك يا تامر على قلبك اللي مشوفتش زيه في حياتي متشكر يا راجل يا أصيل لوقفتك جنب كل العيلة وإصلاحك لما أفسدته الفتنه بينا كلنا، متشكر لتكريمك لأخويا بإيدك لآخر حباية رمل في تربته».

تامر حسني

شقيق محمد رحيم يتراجع عن هجومه على شيرين عبدالوهاب

وتابع: «فعلاً شيرين أختنا وأنا زعلت عشان جالي الفيديو في الأول جزء بتضحك فيه، بس لما أنت بعتلي الفيديو كامل وشرحت لي عرفت إنها حقيقي زلة لسان وأنا متأكد من رأيك، ربنا يجازيها كل خير كفاية إنها حاولت تكرمه وسط جمهورها.. ولكل محبين أخويا أنا بقرأ كل كلامكم الحلو والجارح اللي بيتقال ظلم ليا دون علم الدواخل ودون علم بنفسيتي إزاي انهارت واتصدمت بسبب فراق أخويا وانقسم ضهري».

واختتم شقيق محمد رحيم: «بقيت عايز أضم كل الناس والفنانين في حضني عشان رد اعتبار أخويا في الدنيا بعد ما مات مقهور من تهميشه بقيت عايز أوصله وأقوله بص يا محمد بيحبوك إزاي بص مقدرينك إزاي وتاني أنا أسف للجميع، شكراً يا تامر».

شقيق محمد رحيم