«شلل مؤقت».. هند عبد الحليم تكشف تفاصيل مرضها بعد دخولها المستشفى

تحدثت الفنانة هند عبد الحليم عن تفاصيل الوعكة الصحية التي دخلت بسببها المستشفى مؤخرًا، وكشفت تفاصيل مرضها.

قالت هند عبد الحليم في مقطع فيديو نشرته عبر حسابها الرسمي بموقع انستجرام: «أول حاجة عايزة أشكر كل الناس اللي كانت بتسأل عليا سواء بعتتلي أو كلمتني أو كانت بتحاول تكلمني وتوصلي».

مرض هند عبد الحليم

وأضافت: «وبعتذر جدًا لو مكنتش قادرة إني أرد بسبب التعب اللي كنت فيه وشكرًا لكل حد دعالي ولكل حد زارني شكرًا جدًا أنا الحمد لله دلوقتي أحسن وبتحسن تاني حاجة عايزة أقولها يمكن أقدر أفيد أي حد اللي حصلي ده بسبب حقن التخسيس مطولتش فيها خالص أخدت شهر وأسبوع تقريبًا تعبت جدًا ودخلت المستشفى».

واستكملت هند عبد الحليم: «وحصلي شلل مؤقت في المعدة أدى لأني مكنتش عارفة أكل ولا أشرب وألم رهيب وكنت قاعدة على المحاليل، نصيحتي لو أي حد عايز يعمل كده لازم تتابعوا مع دكاترة وتعملوا التحاليل اللازمة».

هند عبد الحليم

آخر أعمال هند عبد الحليم

واختتمت: «عشان تشوفوا لو جسمكم هيسحتمل ويبقى قابل لده أو لأ، بس كده»، وتفاعل معها متابعيها وأصدقائها وجمهورها بتمني الشفاء العاجل لها.

يشار إلى أن آخر أعمال هند عبد الحليم مشاركتها في بطولة مسلسل أعلى نسبة مشاهدة، ضمن موسم دراما رمضان 2024 الماضي مع سلمى أبو ضيف، وفرح يوسف، وليلى زاهر، وانتصار، وجلا هشام، ومحمد محمود، وإسلام إبراهيم وأحمد فهيم، وآخرين، والعمل من تأليف سمر طاهر، والإخراج لـ ياسمين أحمد كامل.

 

View this post on Instagram

 

A post shared by Hend Ahmed Abdel Halim (@hendabdelhalimofficial)