شيري عادل تقضي شهر العسل في المالديف مع زوجها طارق صبري.. صور

إسماعيل هاني 19 مارس 2023 | 08:07 مساءً

شاركت الفنانة شيري عادل، متابعيها عبر السوشيال ميديا، صورا تجمعها مع زوجها الفنان طارق صبري خلال تواجدهما في جزر المالديف أثناء قضاء شهر العسل.

ونشرت شيري عادل، صورا وفيديوهات مع زوجهامن أمام البحر خلال استمتاعهما بالإجازة، في جزر المالديف، رغم مرور وقتا على زواجهما وارتباطهما ببعض.

View this post on Instagram

A post shared by Shery Adel (@shery_adel_official)

تفاصيل قصة حب شيري عادل وطارق صبري

الفنانة شيري عادل كشفت تفاصيل قصة حبها هي والفنان طارق صبري، وكواليس علاقتهما وزواجهما: «كان نفسى أعمل فرحي على البحر، قلت نعمله في الصيف، لكن بالنسبة له الفرح مش أهم حاجة، قال لي نتجوز وبعد كدة نعمل الفرح».

وحول جهاز العروسة، قالت شيري عادل: «كفاية 10 ملايات و10 فوط في البيت، ولسه مجبتش غسالة أطباق ولا بوتجاز، عشان قال لي لو جبت البوتجاز لازم تطبخي».

كواليس زواج شيري عادل وطارق صبري

وعن كواليس زواج شيري عادل وطارق صبري، أضافت: «بعد ما قربنا من بعض بدأ يبان إن فيه حاجة بينا، واتفقنا إننا نتجوز، كنا بنتعشى مع بعض وقال لي عايزة اتجوزك، وبعد ما اتفقنا كل ما أقول لحد يقولنا مستعجلين ليه كدة؟».

وأشارت إلى أن علاقة صداقة كانت تجمعهما منذ فترة، مضيفة: «ثم بدأنا نتكلم مع بعض بشكل يومي وبنسأل على بعض، واعتذرت عن مقابلته قبل كدة لأن القط بتاعي كان عيان وأنا قاعدة جنبه العيد كله بديله حقن وبحط له أكسجين لأن كان عنده 19 سنة».

طارق صبري

طارق صبري قال في تصريحات تلفزيونية له إنه يشعر أن لديه 10 ملايين حماة وأنه كان يجب عليه أن يذهب لطلب يدها من جمهورهم المشترك».

طارق صبري يتحدث عن شيري عادل

وأضاف: «أصبحنا فجأة في حياة بعض، وأصبحت الحاجات العادية في اليوم من غيرها مش مظبوطة ولازم تبقى موجودة وضغطت عليها عشان توافق، وقالت لي أنا عايزة أعمل فرحي في الصيف، قولت لها نتجوز وبعد كدة نعمل الفرح».

وفيما يخص عيوب الطرفين، علقت شيري عادل قائلة: «معنديش مشكلة معاه باستثناء صوته عالي جدًا عشان هو بيحب المسرح، والناس بتفتكرنا بنتخانق لما بيتكلم».

فيما قال طارق صبري: «في البداية محدش عرف عن علاقتنا غير القريبين، والأسرتين، والأحسن إن العلاقات تتبني في هدوء، وكل حاجة في الجواز عليا، ومفيش حاجة على ذوقي بروح أدفع بس».