شيرين عبد الوهاب عن حسام حبيب: كنت بحبه وبعامله زي أبني وأشتريت له الأغاني اللي عجباه

أكدت الفنانة شيرين عبد الوهاب، أنها تعرضت للأذى خلال فترة زواجها من قبل حسام حبيب، قائلة: «تم طلاقنا بعد حلق رأسي وكانت طلاق بائن وبعد أن هدأت من الكارثة شعرت أني لاأستطيع الإستغناء عنه ولازم أديله فرصة تانية وأن ماينفعش نبعد عن بعض بفجر في الخصومة وكنت مؤمنة أن العلاقة مقدسة وكنت بحبه وفاكراه ابني مش جوزي وعملتله استوديو لشغلنا وقمت بشراء كل الأغاني التي أعجبته بشيكات بإسمي عشان ماترحش منه».

شيرين عبد الوهاب تتحدث عن أزمتها

وأضافت شيرين عبد الوهاب في تصريحات تلفزيونية: «لما تم طلاقي رجعتله وأديته فرصة أخرى بشروط وأن يكون هناك اختلاف عن بيت الزوجية وأن لايتعرض البنات لحالة نفسية سيئة وكان بيتردد على بيتي عشان فيه استوديو تحت البيت وقتها وبينا شغل وحاولت أهيأ البنات أنه لازال موجود لحد ما تلاشت الوعود مجدداً ورجعت المشاكل وقلة الأدب ترجع بلا سبب».

وأشارت شيرين: إنها تعرضت للتنمر من حسام حبيب: «بعد ما أعمل كل ده الاقيه بيتهمني ويتنمر عليا ويقول لي تخنتي وبقيتي شبه أمك وأنا عاوز واحدة أتباهى بيها قدام الناس تبقى حلوة ورفيعة وكلام من ده، بخلاف الخناقات التي تعرضت فيها للضرب والسحل على الأرض وشتيمة عمر ما في إنسانه تقلبها على نفسها».

شيرين تهاجم حسام حبيب

وكشفت الفنانة شيرين عبد الوهاب، عن كواليس حياتها مع طليقها حسام حبيب: «لو رحت عملت حفلة أو فرح ناجح ينكد عليا ويقول لي كنتي ماكسة الراجل كده ليه والواد بيعمل معاكي كده ليه؟ أقول له ده قد أبني ولو عملت إعلان ناجح زي إعلان بنك مصر وأبقى تريند والناس مبسوطة بيا لازم هو ينكد عليا ويبوظ اليوم».

شيرين عبد الوهاب تكشف كواليس خطيرة عن طليقها

وأكدت شيرين: «أنا عندي مشكلة أني لما بتعصب بوصل لليفل صعب ممكن أذي نفسي ودكتوري ممكن تسألوه ونصحه بتركي لفترة حتى ولو ربع ساعة أو أني أدخل أوضتي شوية لحد ما أهدى لكن هو أصر في كل خناقة يفضل قدامي يحرق في دمي وأعصابي لحد ما أمسك الماكينة وأحلق شعري.. أسفة على اللي عملته في نفسي وبناتي وجمهوري اللي كان مقتنع أني مش على مايرام وكنت بطلع أقول كلام غير الحقيقة.. وطلعت غنيت في حفلة بعد ما حلقت رأسي عشان بناتي مايتعقدوش لأني كنت قرعة».