صبري فواز: حسن يوسف ومحمد صبحي ويوسف الشريف «على راسي»

أعرب الفنان صبري فواز، عن استيائه من بعض المواقع الصحفية، التي تناولت تصريحاته خلال إحدى اللقاءات التليفزيونية التي عرضت له مؤخرًا، بعناوين: «صبري فواز يهاجم حسن يوسف، ومحمد صبحي، ويوسف الشريف».

وأشار صبري فواز من خلال مقطع فيديو، نشره عبر صفحته الرسمية على فيس بوك قائلاً: «الفيديو ده علشان في مواقع كتير بتعك في الكلام، وتبقى قايل كلام في البرنامج وكلام واضح ولكن هو ما ينفعش ياخد الكلام واضح.. عايز يحط فلفل وشطة عشان يلم اللي شبهه».

وأضاف صبري فواز، قائلاً: «عناوين من نوعية يُهاجم.. ده بخصوص الكلام اللي اتقال بدون سبب تجاه الأستاذ حسن يوسف والأستاذ محمد صبحي، والأستاذ يوسف الشريف».

ووجه صبري فواز التحية والاحترام للفنان القدير حسن يوسف، ومحمد صبحي، ويوسف الشريف، وأي أستاذ أو أبلة بيقولوا كلام مخالف لوجهة نظره، قائلاً: «لما يبقى س و ص ليهم رأي، ما بتقبلوش رأيّ أنا كمان ليه؟، وفي النهاية الناس دي كلها على راسي كلهم زملاء وفي منهم أساتذتي، وإن كنا نختلف دي حاجة حلوة مش وحشة».

وتسائل صبري فواز، قائلاً: «ليه الاختلاف معنّاه يهاجم؟، ليه معناه يسئ إلى !، الاختلاف في الرأي ده موجود في كل المجالات مش في الفن فقط.. إن حد يبقى له رآي وآخر له رآي مخالف»، مؤكدًا على أن علاقته بكل الفنانين جيدة وليس لديه خلاف مع أحد.

وأختتم صبري فواز حديثه قائلاً: «مفيش أي حاجة سيئة تجاه استاذ حسن يوسف ومحمد صبحي ويوسف الشريف، وأي فنان آخر، كل الحكاية اختلاف في وجهات النظر بمنتهى السلام والمحبة والإحترام».

وحذر صبري فواز الصحفيين من تناول أخبار في هذا الشأن بعد ذلك، قائلاً: «أي حد مواقع، إذاعة، صحافة، رايح جاي يسأل في الموضوع ده تاني هزعله كلام واضح أهو.. ومحدش يلوك في الكلام ده تاني، وألف سلامة على أسالذ حسن يوسف ربنا يقومه بالسلامة».