طارق الشناوي عن فيلم أولاد حريم كريم: أسوأ عمل فني في الموسم

انتقد الناقد الفني طارق الشناوي فيلم أولاد حريم كريم للفنان مصطفى قمر، معلقًا: «أسوأ الأعمال الفنية بالنسبة لي في الموسم الحالي».

قال الناقد طارق الشناوي في تصريحات تلفزيونية له، إن فيلم أولاد حريم كريم، من أسوأ الأفلام والأعمال الفنية، مضيفًا: «علي إدريس مخرج طبعًا مهم.. وزينب عزيز كاتبة مهمة إنما اللي عملوه مش بس مالوش علاقة بالجزء الأول».

الناقد الفني طارق الشناوي عن فيلم أولاد حريم كريم

وتابع: «ده مالوش علاقة بفن السينما اللي إحنا بنعيشه دلوقتي.. ده تراجع لزمن ما قبل الجزء الأول.. والكتابة كمان اللي كتباها زينب عزيز قديمة قوي».

وأضاف الناقد الفني طارق الشناوي: «التفاصيل دي مبقتش تجيب ولا تضحك، فالفيلم افتقد الضحك.. ومصطفى قمر في عز فشله كمطرب قرر يعمل فيلم، ومع الحريم اللي هما مش مطلوبين قوي في السينما».

طارق الشناوي

تصريحات الناقد طارق الشناوي

واستكمل: «الوحيدة اللي كانت لها اسم ووهج ياسمين عبد العزيز، عشان كده هي الوحيدة اللي قالت لا، عشان مش هتقبل تكون موجودة نصف بطلة أو خُمس بطلة.. مشكلة مصطفى قمر إنه عايش على الزمن القديم، مثلا عبد الحليم السينما فكرت فيه لما عمل غنوة على قد الشوق، فاتعمله فيلم مع شادية لأنه كان ناجح كمطرب».

واختتم: «لما بتفشل كمطرب السينما مش هتصعدك، اللي بيفشل كمطرب بيعتقد إن السينما هترجعه للبريق.. ومصطفى افتقد الوهج، وبيمثل الدور من غير حالة من الوهج والشغف بيمثل وخلاص حافظ وبيأدي، مش حابب».

مصطفى قمر فيلم أولاد حريم كريم

مصطفى قمر فيلم أولاد حريم كريم