طارق العريان يكشف كواليس فيلم ولاد رزق 4: بنكتب السيناريو وراجعين 25 سنة لورا

كشف المخرج طارق العريان إحدى مفاجآت فيلم ولاد رزق، ضمن أحداث الجزء الرابع المقرر عرضه قريبًا.

قال طارق العريان عبر تصريحات تلفزيونية: «إحنا حاليًا بنكتب الاسكربت وأنت لسه عاوز تشوف أحجام الشخصيات ودتك فين؟، وأنت مش بإيدك أن تقول أنا ممكن أجيب عصام عمر في دور إلا لو كان كبير ميبقاش صغير فمش قادر أحدد غير لما يتكتب كله».

واستكمل: «إحنا مكملين استمرار للنجاح طالما بتعمل فيلم كويس مش بتحلبه، والناس حابة ولاد رزق أوي ودايمًا مستنيينه كأنه حلقات من مسلسل».

واختتم طارق العريان: «والفيلم الناس اتعلقت بشخصياته وكل مرة لازم يبقى عندك فكرة حلوة وإلا مش هتكمل، ومش عيب كلمة استثمار للنجاح، طالما بتعمل فيلم كويس مش بتحلبه وبتعمل حاجة وحشة والناس حابة ولاد رزق أوي، ودايمًا مستنية كإنه مسلسل، والجزء الجديد راجعين 25 سنة لورا في الأحداث».