طارق فؤاد باكيا: صوتي رجع أما مدحت سيدنا النبي وشيرين عبد الوهاب قفلت التليفون في وشي

كشف الملحن والمطرب طارق فؤاد لأول مرة علاقته بالفنان مدحت صالح، بجانب تفاصيل مرضه وفقدان صوته وخلافه مع عدد من الفنانين.

قال طارق فؤاد عن مدحت صالح عبر تصريحات تلفزيونية له: «ابن عمي رحمه الله كان متزوجًا من أخت الفنان مدحت صالح.. مدحت ومحمد الحلو وعلي الحجار من أعز الناس على قلبي لكن في فترة مرضي مسألش عليّ خالص».

مرض طارق فؤاد

وعلق على فترة مرضه، قائلًا: «امتدت من 2016 إلى 2020 وسافرت لتلقي العلاج في فرنسا، صحيت الصبح مرة واحدة ملقتش صوتي، وقالوا لي هناك إني كنت مصاب بحساسية على الصدر وكنت باخد بخاخات كتير فيها كورتيزون، لكن ده مش السبب الحقيقي، ورجع لي صوتي لما مدحت سيدنا النبي».

وتابع طارق فؤاد وهو يبكي على الهواء: «في ناس كتير وقفت معايا ولن أنسى لهم الموقف، وتامر حسني اللي سفرني أتعالج برة هو من أطيب القلوب وإنسان جميل ووقف معايا ماديًا ومعنويًا، ودعمني في فترة مرضي محمد الحلو وأحمد بدير.. الحلو كان كل شهر بيديلي ظرف، لكن زعلت من مدحت صالح لأننا عشرة عمر والحلو هو المطرب الوحيد اللي سأل عني».

واستكمل: «الفنان أحمد زاهر وقف معايا، كنت متوقع من مدحت صالح وعلي الحجار يقفوا جنبي، لكن محدش سأل عليّ في التليفون خالص، ولكن دلوقتي بحبهم، وكل جمعة ببعت لهم رسالة جمعة مباركة ومش بيردوا عليّ أبدا ومستمر أبعت وهاني شاكر معملش اللي أنا عاوزه وقت مرضي وده زعلني وكلمته مرتين قلت له عشان خاطري كلم الوزير وعاوز أتعالج على حساب الدولة، فقالي حاضر ومكلمش حد».

طارق فؤاد

تصريحات طارق فؤاد

وأضاف الفنان طارق فؤاد قائلًا: «ذهبت للمجالس القومية وعملوا لي علاج على نفقة الدولة بـ7 آلاف جنيه، فرفضت وزعلت من هاني لأنه لو رفع التليفون على وزير الصحة كنت ممكن أسافر برة.

وفيما يخص حكايته مع الفنانة شيرين عبد الوهاب، أشار إلى أنه أجرى اختبارًا لعدد من الأطفال كانت بينهم شيرين، وكانت تتمتع بصوت مذهل رغم صغر سنها، مضيفًا: «في عيد ميلادي الدكتور ماجد بهجت ذهب لشيرين وأخبرني أنه هيسلم عليها، وكلمني من عندها، وأنا فاتح سماعة التليفون علشان أكلمها قدام أخواتي قالت له يا ماجد أنا هطفي الشمع، وفجأة سمعت شيرين بتقول له بقولك إيه وقفلت الخط».

وقال طارق فؤاد عن إغلاق شيرين عبد الوهاب الهاتف في وجهه: «كان موقف بايخ، وأنا قلبي ساعتها أتوجع لكن مش شايل منها خالص بحبها، وحزنت أمام أخواتي وزوجتي وبنتي واتكسفت لكن جايز كان عندها ظروف ودائما ألتمس لكل إنسان عذره».

طارق فؤاد

طارق فؤاد وشيرين عبد الوهاب

وعن أغنية كان نفسنا التي كانت سبب في شهرة شيرين عبد الوهاب، قال: «أنا كنت عامل مساعد في الكليب، والأغنية من كلمات عماد صبحي وتوزيع عادل عايش، والأغنية دي أخدت أحسن أغنية عربية».

وكشف كواليس الصلح مع الفنانة شيرين عبد الوهاب، قائلًا: «كنا في عيد ميلاد سمو الأميرة سماهر وحسن أبو السعود كان متخانق مع شيرين في نفس التوقيت برضه، كانت عاملة مشكلة معاه ولقيت حد بيغميني من عينيا من ورا وفضلت فترة، وبعد كده بلف لقيتها بتقولي حقك عليا ومش هعمل كده تاني وهي طيبة وبحب صوتها أوي ولما غنت عيون القلب في الحفلة الأخيرة كانت حاجة تفرح القلب».

طارق فؤاد