طريقة عمل الحلاوة الطحينية فى البيت.. فيديو

قدمت الشيف هالة فهمي، خطوات عمل الحلاوة الطحينية في المنزل، بطريقة سهلة وسريعة، مشيرة إلى أن هذه الطريق توفر أكثر من 50 جنيها من شرائها من المحلات.

مقادير عمل الحلاوة الطحينية في البيت

وأضافت عبر صفحتها الرسمية على موقع التواصل الاجتماعي «فيسبوك»، أن مقادير عمل الحلاوة الطحينية في البيت، تتكون من « 2كوب طحينة - كوب سكر - نصف كوب ماء - ربع م ص ملح ليمون - م ك عسل جلوكوز».

خطوات عمل الحلاوة الطحينية في البيت

ووجهت حديثها لربات البيوت، قائلة: «حطي السكر والمياه وعسل الجلوكوز وملح الليمون علي النار مع بعض يغلو زي الشربات واختبري قوامه وخدي منه معلقة صغيرة ونزليه في كوباية مياه لو نزل ومدابش في المياه يبقي هو ده القوام المظبوط، ثم اضربيها بالمضرب الكهربا وبعدين انزلي بالطحينه دافيه وقلبيهم مع بعض بمضرب سلك هتلاقي القوام يتقل معاكي ويبدأ شكل الحلاوة الطحينية يطلع معاكي..حطيها في قالب مدهون زيت في التلاجة وألف هنا».

طريقة عمل الحلاوة الطحينية بالشيكولاتة في البيت

قدمت الشيف هالة فهمي، خطوات عمل الحلاوة الطحينة بالشيكولاته في البيت، محددة المقادير التالية :« 2كوب طحينة - كوب سكر - نصف كوب ماء - ربع م ص ملح ليمون - م ك عسل جلوكوز- م ك كاكاو خام».

وتابعت قائلة: «عند عمل الحلاوة، نحط السكر والمياه وعسل الجلوكوز وملح الليمون علي النار مع الكاكاو يغلو زي الشربات واختبري قوامه وخدي منه معلقه صغيره ونزليه في كوبايه مياه لو نزل ومدابش في المياه يبقي هو ده القوام المظبوط..  اضربيها بالمضرب الكهربا وبعدين انزلي بالطحينه دافيه وقلبيهم مع بعض بمضرب سلك هتلاقي القوام يتقل معاكي ويبدأ شكل الحلاوة الطحينية يطلع معاكي، وبعدين حطيها في قالب مدهون زيت في التلاجة وألف هنا».

طريق عمل حلاوة سبريد بالشيكولاتة في البيت

كما قدمت الشيف هالة فهمي، خطوات عمل حلاوة سبريد بالشيكولاته في البيت، عن طريق تحضير المقادير التالية:« كوب طحينه - كوب لبن- نصف كوب سكر - م ك زبدة - شيكولاتة - م ك كاكاو».

ونصحت الشيف هالة فهمي، ربات البيوت عند عمل الحلاوة، قائلة:«حطيهم كله علي بعض وتقليبه علي النار وبعدين انزلي بالطحينه».

منتجات طبيعية.. كواليس صناعة الحلاوة الطحينية بمجمع سايلو فودز.. فيديو

وزير الأوقاف: الاحتفال بالمولد النبوي وشراء الحلاوة مباح.. فيديو