علا رامي تثير الجدل: محستش بالأمان في الـ 3 زيجات

تحدثت الفنانة علا رامي عن طبيعة علاقتها بطليقها الفنان نادر أبو الليف، لافتة إلى أنها تكن له كل الإحترام.

قالت علا رامي عبر تصريحات تلفزيونية: «اتجوزنا سنتين تقريبًا وكل واحد راح لحاله وهو خلف، اسمنا ارتبط ببعض لأن الفترة اللي ظهر فيها كنت أنا مراته».

سبب طلاق علا رامي ونادر أبو الليف

وتابعت: «الخلافات اللي بينا كانت ممكن تتحل لكن كنا متسرعين في الطلاق، والزوج بيتعوض لكن الابن والاخت والأخ مبيتعوضش.. محستش بالأمان مع ولا حد اتجوزته».

واستكملت علا رامي: «الـ 3 زيجات محدش شغل دماغه عليا كل واحد جه بظروفه لما بينتهي الظرف ده البني آدم بيبان على حقيقته».

تصريحات علا رامي

وتحدثت عن تعرضها لموقف محرج خلال تصوير فيلم حنفي الأبهة مع الزعيم عادل إمام، معلقة: «اتعرضت لموقف محرج في حنفي الأبهه كنت لابسه أصفر وكان شكله هندي وغريب وبنمثل المشاهد دي، فأنا وأستاذة رجاء الجداوي المفروض ماشيين بنجهز السفرة وشايلين الصيني والعقد اتقطع لأني كنت مصورة بيه راكور وكان التصوير هيبوظ وقعدنا نجمع في اللولي بتاع العقد ومبقاش كامل زي الأول بس صورنا بيه».

واختتمت علا رامي: «قبل ما يبعتلي يحيى العلمي على رأفت الهجان، إسماعيل عبدالحافظ بعتلي ليالي الحلمية، جه عليا الدور اتقالي اقرأي ده قالي إنتي مش بترقصي، قولتله أنا في المعهد العالي للباليه، قالي اه بلارينا، لأ ده إحنا عايزين واحدة عالمة».