عمر كمال عن محمود الليثي: ده أبويا اللي رباني.. وحبه جوايا زي حبي لأمي

تحدث المغني الشعبي عمر كمال عن علاقته بالمغني الشعبي محمود الليثي، مؤكدًا أن الأخير كان له دور كبير في دعمه ومساندته منذ بداياته في مجال الغناء، واصفًا إياه بأنه بمثابة والده.

وكتب عمر كمال عبر حسابه الرسمي على موقع «فيسبوك»: «ده أبويا اللي رباني.. ومحدش يعرفني أكتر من اللي رباني».

وأضاف عمر كمال: «ده اللي نزلت القاهرة عيل صغير تايه في المجال بين حيتان الشغلانة، وقف جنبي وأداني زقة و2 و10، ولما كبرت في الشغلانة وقولت له وقفني جمبك أغني معاك، قالي تعالى جمبي وأداني من جمهوره وشهرته ونجاحه».

وأكد عمر كمال أنه لا يحمل أي مشاعر سلبية تجاه محمود الليثي مهما حدث، قائلًا: «مهما يحصل ومهما يعمل، لا عمري أزعل منه ولا عمري أشيل جوايا ذرة زعل في قلبي نحيته».

واختتم عمر كمال حديثه عن محمود الليثي، مؤكدًا تمسكه بعلاقتهما رغم أي محاولات للتأثير عليها، قائلًا: «ومهما ناس قالت وحاولت تبوظ وتعكر اللي بينا، هو عارف ابنه وعارف عمر كمال من جواه عامل إزاي.. ده حبه جوايا زي حبي لأمي، حاجة ربانية، مهما يحصل هفضل أعشقه».