عمرو سعد يكشف حقيقة اعتزاله الدراما ويعتذر عن تصريح الأعلى مشاهدة

كشف الفنان عمرو سعد حقيقة اعتزاله الدراما، بعد مسلسل إفراج الذي نافس به ضمن موسم دراما رمضان 2026.

قال عمرو سعد عبر تصريحات تلفزيونية: «لحد دلوقتي واخد قرار إني مش هشتغل تلفزيون السنة اللي جاية، مش عارف لما قلت إني مش هشتغل تلفزيون أنا مقولتش اعتزال أنا قلت مش عايز اشتغل تلفزيون لأسباب كتير أهمها إني عطلت مشاريع سينمائية، أنا بتعطل معرفتش أوفق بين الاتنين».

تصريحات عمرو سعد

وتابع: «أنا لما بشتغل مسلسل لرمضان مش بروح أصور وخلاص بقعد أفكر واشتغل و6 شهور بتمرن فبيحرق السنة وعندي تعاقدات في السينما عايز أعملها، محتاج أوازن ويبقى عندي أرشيف ورصيد سينمائي».

واستكمل عمرو سعد: «محتاج تروح لكل أنواع الجمهور اللي بيروح ليك بتيكت وأنا عندي طاقة أعمل أفلام كتير وفي أفلام عايز أعملها وأطلع بيها برا وفي تعاقدات متعطلة وواخد عربون لازم أعمل أنا صورت فيلم الغربان 4 سنين بسبب التلفزيون».

اعتذار عمرو سعد

واعتذر عن تصريحات الأعلى مشاهدة، قائلًا: «بعتذر إني أعلنت ده لأني حسيت بعدها إني مكانش المفروض أتكلم في ده.. عمرو سعد مش المفروض يقولها لأن أنا مش بطل سوشيال ميديا ونسب المشاهدة بتعرفها كل وكالات الإعلان والمحطات لكن لا تعلن للجمهور معرفش ليه.. أنا اتكلمت لأن كان عندي تحدي ذاتي، بعد 10 سنين من مخاطبة الجماهير العريضة البسيطة بنوع معين من عناصر النجاح قلت عايز أرجع للكلاسيكيات زي 'الضوء الشارد' و'ليالي الحلمية'، الدراما والتمثيل فقط».

واختتم عمرو سعد: «في مسلسل إفراج قررت أتمرد على نفسي وكان في مخاطرة، وقيل لي وشوفت الأرقام إنه حقق نسب مشاهدة هائلة مع شرائح مختلفة، لكن ميصحش أقول كده».