عمرو سعد يكشف قصة نصيحة غيّرت نظرته للنجومية.. ماذا قال له عادل إمام؟

تحدث الفنان عمرو سعد عن نصيحة لم ينساها أبدًا، تلقاها من الزعيم عادل إمام، لافتًا إلى أنها غيرت نظرته للإعلام والنجومية.

قال عمرو سعد عبر تصريحات إعلامية: «عادل إمام.. أي لقب لا يوفّيه حتى لقب الزعيم ده قليل عليه.. كنت في عزاء والدة الفنان محمد فؤاد، ولسة باديء في مشواري الفني».

نصيحة عادل إمام لـ عمرو سعد

وتابع: «وكان عندي مزيج من الغرور والخجل. كنت بخاف أظهر في الإعلام، عشان ساعات أقول كلام يبوظ مني، والمذيعين يحاولوا يشكلوني على مزاجهم».

وأشار عمرو سعد إلى أنه خلال العزاء، فوجئ بعادل إمام يمسك يده ويطلب منه الجلوس بجانبه، رغم وجود عدد كبير من النجوم.

تصريحات عمرو سعد

واستكمل: «وقال لي: حلو الراجل الصعيدي اللي أنت عامله في دكان شحاتة، أنت ممثل حلو.. وبعد العزاء قالي اركب معايا، هنروح نزور أحمد السقا اللي كان عامل عملية وقتها».

وأضاف عمرو سعد: «وفي الطريق قالي نصيحة عمري ما نسيتها.. ليه زعلان؟ ليه متحفز؟ قولتله بخاف من الإعلام وبيكتبوا عني بشكل سلبي، وبيتجاهلوني وبيكتبوا بس عن هيفاء وهبي، قالي أنت طالع ليه تتكلم عن عمر الشريف؟! تحتفظ برأيك لنفسك، الفنان مش المفروض يقول رأيه في زميله، الشغل هو اللي يثبتك.. أنا اتحاربت 11 سنة، وكان في ناس بتسقط اسمي من إعلانات الأفلام، بس مهتمتش.. لأن الشغل هو اللي بيعيش في أذهان الناس، لما تعمل حاجة فيها قيمة للمشاهد».

واختتم: «بعد اللقاء ده اتعلمت كتير من عادل إمام، ومن ذكاءه ونظرته الثاقبة للفن والإعلام».