عمرو محمود ياسين يرد على برنسة عبد الغني: ملخص حياتك في الحفظ والصون

دينا دهب 10 يوليو 2023 | 04:41 مساءً

اثارت تصريحات الفنانة برنسة عبد الغني عن المؤلف عمرو محمود ياسين الجدل الساعات الماضية، بعدما اتهمته أنه اضاع ملخص حياتها التي كانت تريد تحويله لمسلسل.

عمرو محمود ياسين يرد على برنسة عبد الغني

رد عمرو محمود ياسين على الفنانة برنسة عبد الغني، عبر حسابه بموقع التواصل الاجتماعي فيسبوك، وقال: 'النهاردة لاقيت الخبر ده برنسة عبدالغني: عمرو محمود ياسين خد ملخص حياتي عشان يتعمل مسلسل وضيعه'.

وتابع: 'يا أستاذة برنسة تحياتي ليكي اولًا، ثانياً حضرتك كنتي قابلتيني و احنا بنصور مسلسل و نحب تاني ليه على ما أتذكر و لاقيتك من تلقاء نفسك جايبالي ملخص وقولتي لي اقراه عشان عايزه اني اعمله مسلسل وقتها كنا لسه بنصور و ما قدرتش اقراه وقتها'.

وأضاف: 'قريته بعد كده لما اتصلتي بيا فكرتيني به بعد فترة طويلة .. وقتها انا قريته و للاسف مالقتش فكرة مناسبة له .. وحضرتك ماكلمتينيش تاني و انا ماتصلتش برضه و ده تقصير مني بعتذر عنه .. لكن مش عارف جبتي منين حكاية اني انا ضيعته'.

واستكمل عمرو ياسين حديثه، وقال: 'مش عارف جبتي الفكره دي منين ؟ الملخص بتاعك في الحفظ و الصون زي ما هو .. و تقدري تاخديه وقت ماتحبي .. و ربنا يكرمك'.

تصريحات برنسة عبد الغني عن عمرو محمود ياسين

قالت برنسة عبد الغني في تصريحات تلفزيونية: 'كنت عايزة قصة حياتي تتعمل في عمل فني وكتبت خمس صفحات واديتهم للمؤلف عمرو محمود ياسين على أساس هو يكمل لأني كتبت ملخص خدها ضيعها وقالي كده لما كلمته ولو هعمل قصة حياتي هختار مريم نعوم'.

برنسة عبد الغني تتحدث عن أشرف زكي

تحدثت الفنانة برنسة عبد الغني عن قلة فرص العمل التي تعرض عليها، مشيرة إلى أن الفنان أشرف زكي نقيب الممثلين أخبرها أنها ليست متخرجة من معهد فنون مسرحية.

قالت برنسة عبد الغني في تصريحات تلفزيونية: 'لجأت للدكتور أشرف زكي قالي انتي مش خريجة معهد قلتلوا بس انا خريجة خبرة'.

وأضافت: 'الحمدلله ملجأتش لحد ومشغلنيش لكن بيتقالي مفيش حاجة تنفع لسنك'.

وتابعت: 'نفسي ازور النبي أنا حجيت مرة وعملت 12 عمرة لكن نفسي ازور الكعبة، وفي الوسط الفني نفسي يشغلوني بدل ما هما مقعدني'.

برنسة عبد الغني