عمرو محمود ياسين ينتقد حسام حسن بسبب الشناوي وصلاح: راجع نفسك بسرعة

انتقد الفنان والسيناريست عمرو محمود ياسين، كابتن حسام حسن المدرب الفني لمنتخب مصر، بسبب أزمته مع الشناوي ومحمد صلاح.

كتب عمرو محمود ياسين في منشور عبر حسابه الرسمي بموقع فيس بوك: «أولاً أنا من محبي حسام حسن وبدعمه دائمًا.. لكن الدعم ده مش مطلق.. ثانيًا حسام مكنش يقصد يهين الشناوي لكنه لا يجيد اختيار الألفاظ.. ثالثًا حسام بيحب يشير دائمًا لفضله على اللاعبين ودي مشكلة لازم يراجع نفسه فيها».

وتابع: «ونفتكر كم مرة قال غيرنا وظيفة محمد صلاح في الملعب على أساس كبر وكدة ومينفعش وينج.. اللي هو أنقذ مسيرة صلاح وكده.. قالها كتير كتير قوي.. بس صلاح يا كابتن حسام بيلعب وينج عادي في أوقات كتير في تركيا وبيجيب هاتريك وزي الفل».

واستكمل عمرو محمود ياسين: «رابعًا كابتن حسام مش عايز حد يقلب له وشه في الفرقة.. عشان كده بيحاول يخلص من الشناوي زي ما خلص من مصطفى محمد.. وبعدين على رأي إبراهيم فايق لو شناوي كان منتهي طيب ليه مخدتش ساعتها أي حارس تاني مش منتهي؟»

واختتم: «خامسًا محمد صلاح مابيخرجش في دقيقة 60 يا كابتن حسام.. ده اسمه عبث وأصلا أنت كنت في احتياج له ولهيثم حسن في الوقت ده من المباراة ومكنش ينفع يخرجوا لأن دول اللي عندهم حلول فنية!.. سادسًا مش لازم كل ماتش يبقى في لقطة ونمرة مع حد.. مع الحكام.. مع مدرب أنجولا.. في إيه بس يا كابتن حسام؟.. راجع نفسك بسرعة».