غادة عبد الرازق: شيلت المسؤولية من صغري وعمري ما ارتبط بشخص أنا أقوى منه

حرصت النجمة غادة عبد الرازق أن توضح لجمهورها حقيقة تشابه شخصيتها الحقيقية بالأدوار التي تقدمها في أعمالها، مشيرة إلى أنها تختلف تمامًا.

غادة عبد الرازق تتحدث عن حياتها

وتابعت غادة عبد الرازق في تصريحات تلفزيونية حديثها، قائلة: 'من صغري شيلت المسئولية وعمري في حياتي أكون مرتبطة بشخص أبقى أقوى منه أو أخوفه'.

غادة عبد الرازق

وأضافت: 'ده مرتبطش بيه أصلا، لازم احترمه زي ما هو بيحترمني، ويوم ما يبقى أنا وهو واقفين لبعض مش هوصل لأني ابرقله أو أخوفه، وعمري ما أقل أدبي أو أهزق'.

أنا لو مكان مي عمر هعمل كده

وعلى جانب أخر ناشدت الفنانة غادة عبد الرازق، الصحفيين الذين يجرون معها حوارات صحفية بعدم سؤالها عن خلافها مع المخرج محمد سامي، وطالبتهم بتقديم أسئلة جديدة تتناول الأشياء الايجابية.

وأشارت غادة عبد الرازق خلال تصريحات إذاعية، قائلة: «عايزة أقول للصحفيين ماتسألوش تاني عن خلافي مع محمد سامي، المفروض تقدموا دايمًا الجديد والحاجات الحلوة، لكن هتفضلوا طول عمركم عايشين على القديم؟.. يبقى أنتم مش قد الشغلانية اللي أنتم فيها».

وأضافت قائلة: «إحنا بقينا في 2024 يا جماعة حرام عليكم، الناس هتعيش على  الفضاء السنة الجاية، وانتوا لسة بتتكلموا في غادة عبد الرازق ومحمد سامي.. مش معقول».

وتابعت، قائلة: «آخر مرة في برنامج كان في سؤال مش لطيف عن تصريح لمي عمر، وقلت عندها حق تدافع عن زوجها، أنا وأخويا على ابن عمي، وأنا وابن عمي على الغريب.. أنت عايزها تسيب زوجها أبو عيالها علشان غادة عبد الرازق، مهو ده شئ طبيعي مش هتحب زوجها وأولادها قبل غادة عبد الرازق، وأنا لو مكانها هعمل كده».

سبب خلاف غادة عبد الرازق ومحمد سامي

ويعود خلاف غادة عبد الرازق و المخرج محمد سامي إلى عام 2013، أثناء تصوير مسلسل «حكاية حياة»، بعد حدوث مشاجرات بينهما خلال تصوير أحداث المسلسل، نتيجة اختلاف في وجهات النظر، وتم عرضه ضمن دراما رمضان في ذلك الوقت، وشارك في بطولته، أحمد زاهر، وفتحي عبد الوهاب، وروجينا.