فاطمة عيد: أنا وضرتي أصحاب ولما عرفت إني اتجوزت جوزها قلبت الدنيا

تحدثت الفنانة فاطمة عيد وزوجها اللواء شفيق الشايب عن زواجهما، وكيف اصبحت فاطمة عيد صديقة لضرتها.

فاطمة عيد تتحدث عن بداية زواجها

قالت الفنانة فاطمة عيد أثناء استضافتها في برنامج ساعة زمن مع المذيعة مايا الشربيني: 'قعدنا أنا وشفيق سنتين ندرس أخلاق بعض قبل الجواز، وقبل إني أكون زوجة تاني لأني حبيته وهو حبي، والحب ملهوش كبير، وضرتي بقت صحبتي، من قبل الجواز ومكنتش إني هتجوز جوزها'.

وتابعت فاطمة عيد حديثها، عن صداقتها لضرتها وقالت: 'بقينا صحاب عشان لما كنت بتصل بشفيق كانت هي اللي بترد، واسألها هي عاملة ايه والأولاد عاملين ايه، وكان ده عشان شفيق بيساعدني في حل مشكلة'.

شفيق الشايب يتحدث عن كواليس معرفة زوجته بعلاقته مع فاطمة عيد

فيما تحدث اللواء شفيق الشايب، عن زوجته الأولى وقال: 'مراتي عرفت بجوازي من فاطمة عيد بعد جوازنا بسنة، وكنت عارف إني لما هقول هتحصل مشاكل كبيرة ومكنتش قد ده، واستنيت لما الوقت المناسب يجي'.

وأضاف: 'مراتي اشتكتني للعيلة كلها وكلهم وقفوا ضدي إنها بنت خالتي وأم ولادك، قولتلهم محدش له دعوة، وإن أنا اللي بتجوز، وبعد ما فاطمة خلفت مراتي تقبلت الوضع وبدأت أنا ألين الدنيا وبدأت احاول اقربهم لبعض لحد ما فعلا قربتهم وعزمناها في البيت عندما وعزمتنا هي كمان، وبقوا أصحاب'.

واختتمت فاطمة عيد حديثها، عن زوجها وقالت: 'جوزي مغلطش إنه قالها على جوازنا، لأن الكذب ملهوش رجلين وبعدين اللي بخبيه مسير الأيام تظهره، واحنا كنا متجوزين بما يرضي ربنا، وفعلا عرفت واتصاحبنا ورضيت بالأمر الواقع'.

الفنانة فاطمة عيد تكشف أسرار لأول مرة: أنا الزوجة الثانية وربنا كتبنا لبعض.. فيديو