فريدة سيف النصر تستغيث عبر الفيس: «سرقوا مني مخدات ونظارات وجزم»

أعلنت الفنانة فريدة سيف النصر تعرضها للسرقة في منزلها، وكشفت التفاصيل في منشور عبر حسابها الرسمي بموقع فيس بوك.

كتبت فريدة سيف النصر عبر حسابها الرسمي: «أنا بتسرق بقالي شويه حلوين.. لما يكون عندك حد نافعك أوي لأن مش أي حد يحب الكلاب».

فريدة سيف النصر تتعرض للسرقة

وتابعت: «وأنت كل شويه حاجات بتتاخد بجد مش هزار وحاجات باينة اوي يعني هدوم مش أي حاجه لازم ينقصوا يتاخدوا على نصين مرتين واختفاء قصري».

واستكملت الفنانة فريدة سيف النصر: «ترجع ترمي لك نص فتتهيأ إنك انت اللي مدورتش وفجأه اختفاء كامل.. ده بقي غير مفروشات قسمًا بالله أطقم كاملة بمخداتها ونظارات وإكسسوار جزم أدوات مطبخ كاملة والله العظيم ما بقي في حاجه كامله خالص أول بأول».

فريدة سيف النصر

سرقة منزل فريدة سيف النصر

وأضافت: «مافيش حد تاني بيعمل الحاجات دي خالص علشان تشك في اتنين أول ماتغير مكان حاجه بحجة النظام اعرف انها هتاخدها أو تلخبط الأدراج وكله يتكعبل في كله.. أما أنا فانشغل في حاجات وحاجتي فعلا تختفي.. أعمل إيه.. أواجهها وأنا مابحبش أحرج حد وأجرحه ولا امشيها واحتاس ودول عائله كاملة نافعاني».

واختتمت الفنانة فريدة سيف النصر: «ولا أروح عندهم على غفلة زي ما قالولي.. وطبعًا مش ممكن أبدًا أعمل كده.. بس بجد زهقت ومحتاره سرقة علني وطبعا بيتفتح عليا بالمفتاح وانا في سابع نومه.. ومع الأسف بـ ادي الأمان لكل الناس.. تعبت.. والله تعبت.. حسبي الله ونعم الوكيل.. قولولي أعمل إيه؟».

فريدة سيف النصر تتعرض للسرقة