في تكتم تام.. شاعر يكشف تفاصيل دخول تامر حسني المستشفى وإصابته بكسر

أثار الشاعر الغنائي رمضان محمد ضجة واسعة وجدلًا، بعدما كشف تفاصيل دخول الفنان تامر حسني المستشفى في تكتم.

كتب رمضان محمد في منشور عبر حسابه الشخصي بموقع فيس بوك: «تامر حسني ده حوار كبير بجد.. بقالنا فترة كبيرة بنتكلم وبنشتغل وعادي جدًا نفس حماس وطاقة تيمو اللي بتخلي كل اللي حواليه يجتهدوا ويشتغلوا أكتر».

تفاصيل دخول تامر حسني المستشفى

وأضاف: «وفجأة النهاردة بكلمه يقولي أنا في المستشفى علشان فيه كسر في رجلي وبعالجه من فترة ولا حد يعرف ولا قال ولا اشتكي ولا حب يدي طاقة سلبية للناس اللي بيكلموه».

واختتم الشاعر حديثه عن تامر حسني: «بجد إنسان جميل وفنان جميل وصعب جدًا يتكرر وألف سلامة عليك يا تيمو».

جديد حفلات تامر حسني

وعلى الجانب الآخر، كان قد كشف الفنان تامر حسني عن رغبته في تقديم حفل غنائي مختلف عن حفلاته المعتادة، بحيث يكون الحضور جالسين كما في حفلات الأوبرا، مع توزيع الأغاني على أوركسترا كبيرة لأداء أغانٍ رايقة بدون الحركة المعتادة على المسرح.

ونشر تامر حسني عبر حسابه الرسمي على إنستجرام: 'شوفت تعليق من بنت بتقترح إني أعمل حفلة يكون الحضور فيها جلوس زي الأوبرا وأغني أغانيا الرايقة، أنا فعلًا فكرت في كده وكمان إني أوزعها كلها مع أوركسترا كبيرة لأني بجد ببقى كتير نفسي أغني من غير حركة وتنطيط ورايح جاي وهيبرة، شجعتيني والله إيه رأيكم يا شباب ولا كله عايز يتنطط وزحمة وكده؟'.