فيفي عبده تكشف غلطة عمرها وتنفعل: كفاية تقولوا الرقاصة

كشفت الفنانة فيفي عبده أسرار عن حياتها الشخصية، موضحة أنها تتعرض للأذى من بعض الأشخاص من خلال سحر ودجل، معلقة: «القرآن والصلاة بيحموا من أي حاجة».

قالت فيفي عبده في تصريحات إذاعية لها: «حجيت 5 مرات وعملت 37 عمرة، ودي تجارة مع الله وخاصة بيني وبين ربنا وأنا من 37 سنة بعرف اتجاهي لربي وأروح أعمل العمرة من غير ما حد يعرف».

تصريحات فيفي عبده

أعربت الفنانة عن غضبها من تكرار كلمة «راقصة» لوصف أي امرأة بالسوء، مضيفة: «الراقصة ليست بالضروري أن تكون امرأة سيئة السمعة، وهناك العديد من الراقصات لهن جمهورهن الذي يحترمهن.. كفاية تقولوا الرقاصة، هو مفيش شماعة مايلة غير الرقاصة؟ لأ الرقاصة دي لها ناسها بيحترموها وبيتفرجوا عليها».

وكشفت فيفي عبده غلطة عمرها، قائلة: «غلطة عمري أني مصورتش المسرحيات اللي عملتها، أنا عملت 15 مسرحية واللي اتصور حوالي 3 بس، ودلوقتي براجع نفسي بعد ما بقى في ميديا هتجنن ليه مسجلتهمش، ودلوقتي لو رجعت أعمل مسرح هصوّر اللي مصوّرتهوش».

فيفي عبده

أسرار فيفي عبده

وقالت عن ذكرياتها في مسرحية حزمني يا: «أنا كسرت الدنيا بالجلابية في المسرحية، ولما كنت فقيرة مكنش عندي فلوس أشتري بدل رقص، وأول ما ربنا إداني واشتغلت بقيت أشتري هدوم علطول وحزمني يا كان فيها 5 مصممين علشان أرقص في المسرحية، وكل يوم أغير طقم ما عدا الجلابية البيضا».

وأشارت فيفي عبده إلى أن هناك أشخاصًا كانوا يحاولون إبعادها عن الساحة الفنية، خاصةً خلال فترة توهجها بالدراما، موضحة أنهم كانوا يرددون أنها داخل لوكيشن التصوير تقوم بإهانة المخرجين، وهو ما لم يحدث على الإطلاق».

فيفي عبده

فيفي عبده