قبل 9 سنوات.. كيف تسببت جميلة عوض في ورطة للمخرج تامر محسن؟

تحدث المخرج تامر محسن عن كواليس مسلسل تحت السيطرة الذي تم عرضه في 2015، وورطة تعرض لها بسبب الفنانة جميلة عوض.

قال تامر محسن في جلسة نقاشية بمكتبة الإسكندرية ضمن فعاليات معرض مكتبة الإسكندرية للكتاب بدورته الـ 19، إنه قرر تغيير سيناريو مسلسل تحت السيطرة بناءً على طلب الأمهات.

المخرج تامر محسن مسلسل تحت السيطرة

وأضاف: «كنا بنصور مسلسل تحت السيطرة ودخلنا في رمضان واللي حصل أنه فجأة بقى في أولياء أمور وأمهات كتير جدًا بيبعتوا وبيكتبوا رسايل شديدة اللهجة وبنات من سن هانيا بيبعتوا رسايل لو عملتوا حاجة لهانيا هنموت نفسنا والأمهات بتقول لو ما موتوش هانيا فحسبي الله ونعم الوكيل فيكوا وبناتنا هيبقوا زيها وذنبنا في رقبتكم».

واستكمل المخرج تامر محسن: «ودي كانت ورطة لأن في بنات كتير حبوها ومش عايزنها لا تموت ولا يحصل فيها حاجة، وأنا مكنش عندي نية أني أموتها، وكان رأيي أنها هتعيش حياتها مشلولة ده كان حل وسط».

جميلة عوض

كواليس أعمال المخرج تامر محسن

وأشار إلى كان سيعتذر عن إخراج مسلسل بدون ذكر أسماء، لكنه تراجع بعد تفكير 5 دقائق بسبب الكاتب وحيد حامد وطفولته.

وقال المخرج تامر محسن أيضًا: «اليوم اللي قرأت فيه نص الحلقة الأولى حسيت أن مكانش ده العالم اللي مستهويني خالص اتكلم عنه، بس أعمل إيه؟ أنا في ورطة، أستاذ وحيد حامد ده أستاذي وفي 5 دقائق فكرت وقولت ده أروع حاجة ممكن تحصل واكتشفت أن دي ميزة كبيرة أني بحكي حاجة من طفولتي في الثمانينيات».

وفيما يخص موقفه من تقديم أجزاء ثانية من أعماله، أشار إلى أنه طُلب منه بقوة وجود جزء جديد من مسلسل تحت السيطرة ومسلسل هذا المساء، لكنه رفض لأن الجزء الثاني سيكون استثمار لنجاح الجزء الأول فقط.

تامر محسن