«كارثة وتسول».. فريدة سيف النصر تستغيث بنقيب الممثلين بسبب فيديوهات تيك توك

وجهت الفنانة فريدة سيف النصر استغاثة لنقابة المهن التمثيلية والفنان أشرف زكي نقيب الممثلين، بسبب فيديوهات التيك توك.

كتبت فريدة سيف النصر في منشور عبر حسابها الشخصي بموقع فيس بوك: «نقيبنا خد بالك مننا شوية.. الكارثة المصيبة في اللي عندهم شهرة وفلوس وكل حاجة وبيقللوا من نفسهم في فيديوهات رخيصة كلها حركات وإيماءات وقرف».

تصريحات فريدة سيف النصر

وتابعت: «فين النقيب يا دكتور أشرف الفنان الأصيل لو هيجوع ميقللش من نفسه وكرامته.. اللحمة المعروضة برة الجزارة كل الذباب واقف عليها وكتير خدوا كتير واشتروا بلاوي إحنا فين هنا كدة مينفعش».

واستكملت فريدة سيف النصر: «علشان لما أي جنسية تانيه تتطاول وتعمل فيها الأنظف ميبقاش معهم حق إحنا فقط اللي قلبناها تسول وعرض رخيص».

استياء فريدة سيف النصر بسبب تيك توك

واختتمت: «ولا بلد تانية زينا تفوقنا وكل اللي كسبوا ملايين هيندفنوا بلا حتى مخدة سرير.. بلا قرف.. ناس مدفوعة الأجر وغسيل وزفت وبعدين إلى متى.. حرام كفاية».