«كان معايا كنز».. إسعاد يونس تكشف أسرارًا عن ضرتها شريهان

كشفت الفنانة القديرة إسعاد يونس، أسرارًا لأول مرة عن ضرتها الفنانة شريهان، مؤكدة على أنها تقبلت فكرة الزوجة الثانية بصدر رحب، عندما قرر زوجها رجل الأعمال علاء الخواجة الزواج من شريهان؛ من أجل حرصها على استقرار منزلها.

وأوضحت إسعاد يونس، أنها في أول الأمر كانت في حالة صدمة وغيرة وبكاء، وبعد ذلك سألت نفسها: «هل أنا مثالية أو جميلة الجميلات؟ لأ طبعًا، وأنا بحترم علاء الخواجة جدًا، وفضلت أنه يتزوج عليا مقابل إني معايا كل الكنز ده».

وتابعت إسعاد يونس، قائلة: «الولاد كانوا سبب كبير في إني أكمل في علاقة الزواج بعد جوازه للمرة التانية، وأفضَّال الراجل ده عليا كبيرة، وابتديت أهدى لأن الظروف جمعتنا أنا وضرتي شريهان، ولقيت إنهم حبوا بعض وهي شايفاني قدوتها، وهي هتخلف وهيبقى في شراكة دم بيننا، وكان لازم أخلي الوضع ده متحضر».

واستكملت إسعاد يونس حديثها عن شريهان، قائلة: «هي في الأول كانت متضايقة من الهجوم اللي كان عليها، ولو كنت طلبت منها عينيها كانت هتديهالي، وأنا حبيت إنسانيتها جدًا وقدرتها على التحمل وصمودها أمام المصايب، واحتياجنا لبعض كان لأن بناتها مينفعش يتربوا في وضع مش صح، وبنعيش كلنا في حالة عائلية وسلام وأنا مش مضطرة أدخل في حروب».