كريم العاق.. حسن وائل أحد أبطال مسلسل اللعبة يحصل على 95.5٪؜ في الثانوية العامة

فاجأ حسن وائل أحد أبطال مسلسل اللعبة والشهير بشخصية «كريم العاق»، بمجموعه في الثانوية العامة وهو 95.5%.

نشر حسن وائل الشهير بـ كريم العاق صورة للكتب والأدوات التي استخدمها في رحلته بالثانوية العامة، عبر حسابه الرسمي بموقع انستجرام.

وعلق على الصورة قائلًا: «(رب إني لما أنزلت إلي من خير فقير).. الحمدلله الحمدلله بجد من قلبي الرحلة دي كانت من أصعب الرحلات اللي عشتها في حياتي كان فيها خوف وتوتر وضغط وأيام حسيت فيها إني مش قادر أكمل».

وتابع: «بس ربنا عمره ما سابني وكل مرة كنت بدعيه كنت بلاقي منه خير أكبر بكتير.. الحمدلله الثانوية العامة خلصت على خير وربنا كرمني وفرح قلبي بالنتيجة ودي نعمة كبيرة أوي عمري ما هنساها شكرًا لكل حد دعالي ولكل حد وقف جنبي».

واختتم حسن وائل: «ولكل كلمة حلوة سمعتها في الطريق وربنا بشكركم جدًا والحمدلله على كل لحظة تعب لأن من غيرها مكنتش هوصل للي أنا فيه النهاردة واللي جاي بإذن الله أحسن وأجمل وربنا يكتبلي الخير ويوفقني في الخطوة الجديدة يارب الحمدلله دائمًا وأبدًا».