كريم سرور يودع صديقه الراحل بهاء الخطيب بكلمات مؤثرة: مقهور ومش مستوعب غيابك

حرص الفنان كريم سرور على نعي صديقه الراحل بهاء الخطيب، الذي وافته المنية في الساعات الأولى من صباح اليوم إثر إصابته بأزمة قلبية مفاجئة.

وعبر كريم سرور، عن حزنه الشديد بكلمات مؤثرة عبر حسابه على موقع «فيسبوك»، وكتب كريم سرور قائلاً: "بهاء الخطيب مات.. إيه الاختبار ده.. ليه بالقسوة دي.. ده مكنش بيمل ولا بيكل من كلامه عن أحلامه، دايمًا كان يجمعنا ويقول يلا عرض يلا فيلم يلا نشتغل، ومكنش بيستنى الفرصة لكن بيعملها".

وأضاف: "عمري ما شوفتك مكشر حتى في عز إحباطك من اللي خذلوك، علطول مبتسم، وكنت متأكد إنك هتكون نجم، تعبك كله كان هيجيب فايدة، بس إزاي مات قبل ما يحقق أحلامه؟".

وتابع متأثراً: "قلبي واجعني ومقهور، ومش قادر أبطل عياط عليك، مش هعرف أشيل خشبتك يا بهاء، ربنا يرحمك يا جميل يا محترم يا بشوش يا صاحب القلب الأبيض".

واختتم كريم سرور رسالته قائلاً: "غيابك هيفرق أوي يا بهاء، سلام يا صاحبي، ربنا يرحمك ويجعل مثواك الجنة، ادعوله يا جماعة يستحق الدعاء والرحمة على قد قلبه وحبه للناس، الله يرحمك يا موهوب يا نضيف، وأنتم السابقون ونحن اللاحقون".