كريم فهمي: أنا متسرع وضد الديكتاتورية في البيت

تحدث الفنان كريم فهمي عن حياته الشخصية والفنية، بجانب علاقته بزوجته وشقيقه الفنان أحمد فهمي.

قال الفنان كريم فهمي في تصريحات تليفزيونية له: «الزمن بالنسبالي خبرة حياتية كل ما تكبر في السن وتعيش مع ناس أكتر تكتشف حاجات.. وأنت صغير بتكون غلبان وبريء أوي».

تصريحات كريم فهمي

وتابع: «وبتكبر وتكتشف أن الناس الطيبة مش شرط يكون وشها طيب.. ومن فترة كنت بتفرج على فيديو لعمر طاهر بيتكلم عن الجيل بتاعنا اتأثرت جدًا قال إن جيلنا رابط بين جيل كبير وجيل صغير».

وقال الفنان كريم فهمي أيضًا: «عندي حنين كبير للماضي الذكريات بتاعه الطفولة.. وبحن لفترة أني بلعب فيها كورة في الأهلي والسيناريو اللي ربنا كاتبه أحسن من أي تخيل آخر.. وبحن لفترة كنت شايف الناس كلها كويسة ومفيش ظلم خالص وأنا راضي بشكل كبير جدًا عن حياتي ومش عايز حاجه أكتر والرضا هو مفتاح السعادة».

كريم فهمي

أسرار كريم فهمي

واستكمل: «الرضا اللي بيصنع السعادة مش أي حاجه تانية، وأنا بني آدم متسرع شوية وبحاول أغير من ده.. والطفولة والنوستالجيا بتأثر فيا خصوصًا أني كنت طفل طيب، ودايمًا شايل الهم في شغلي سواء تأليف أو تمثيل»..

وأضاف الفنان كريم فهمي حديثه: «أنا مبعرفش اشتغل حاجة مش بحبها ومش بمشي ورا المفروض، وأول ما اتعرفت على مراتي كنت لسه بعمل أول مسلسل ليا وهو عرض خاص وكنت كاتب بيبو وبشير وكانت حابه أكتر أكون مؤلف مش ممثل».

كريم فهمي وزوجته

وتابع: «كانت عايزاني أعيش من غير شهرة ومع الوقت حبت اللي أنا بحبه، وعندي مشكلة إن قرارتي سريعة.. أنا ضد فكرة الديكتاتورية في البيت رأيها بالنسبالي مهم وبحب رأيها في كل حاجة».

كما قال عن علاقته بشقيقه الفنان أحمد فهمي: «طول عمرنا أنا وأحمد شخصيتنا مختلفة تمامًا ممكن نقعد أسبوع مانشفش بعض بس في رابط بينا مفيش حاجة بتبعدنا عن بعض كأخوات.. وأحمد أخويا الكبير أكبر مني بسنتين وشهر وشخصياتنا مختلفة».

كريم فهمي