كريم فهمي عن أصعب فترة بحياته: جالي جلطتين وكنت بقعد باليومين من غير أكل

كشف الفنان كريم فهمي عن أصعب تجربة صحية واجهته في حياته منذ حوالي 5 أو 6 سنوات، لافتًا إلى أن صغر سنه لم يمنع تعرضه لمخاطر صحية كبيرة.

قال كريم فهمي عبر تصريحات تلفزيونية: «جالي جلطتين منها لأسباب جينية، الشغل بالنسبة لي باخده على قلبي، مش مجرد ممثل بقول الكلام وخلاص، أنا راجل عايز أشوف المشروع ينجح، وباخد الحاجة على قلبي وعلى صدري لحد ما اللحظة السينمائية تحصل».

 أصعب تجربة صحية لـ كريم فهمي

وتابع: «رحت المستشفى قالوا لي كورونا، فرجعت فعزلت نفسي، لكن كنت حاسس إن فيه حاجة غلط وشك بعض الأطباء في وجود جلطة، وكان لازم أطلع حالًا على العناية المركزة، ودي كانت نقطة مرعبة جدًا في حياتي».

وأكد كريم فهمي أن هذه التجربة الصعبة لم تكسره، بل بالعكس، كان لها تأثير في قوة شخصيته وعلمته التعايش مع الضغوط.

أصعب موقف في حياة كريم فهمي

وفيما يخص أصعب موقف مر به في حياته، علق قائلًا: «كنت بقعد باليومين مأكلوش.. قعدت أيام من غير أكل.. أنا قويت ونجحت وبقيت في حته كويسة، ولولا المرحلة الصعبة اللي أنا عديت بيها مكنتش وصلت للي أنا فيه دلوقتي.. كانت بتحصل لي مواقف صعبة، من ضمنها أيام كنت بقعد فيها يومين من غير أكل، وده أول مرة أتكلم عنه، أغلب الحاجات كانت لها علاقة بالماديات، زي اللبس أو ممارسة الرياضة، كنت بطلت الكورة وكنت عايز ألبس كويس، لكن الإمكانيات كانت محدودة».