كريم فهمي: مسلسل 220 يوم عملي كوابيس وتعبني نفسيا

كشف الفنان كريم فهمي كواليس مسلسل 220 يوم، الذي عُرض له مؤخرًا ووصفه بالمرهق نفسيًا.

قال كريم فهمي عبر تصريحات تلفزيونية: «المسلسل ده عملي كوابيس ولحد النهاردة بصحى من النوم كوابيس رهيبة لأني قعدت سنتين أو أكتر شغال عليه».

تصريحات كريم فهمي عن مسلسل 220 يوم

وتابع: «تعبني نفسيًا جامد من أول الكتابة لحد ما خلصنا تصوير، ومش فاكر إن كان حصل وخبيت على زوجتي بعض الأمور، لكن أنا ذاكرتي ضعيفة دايمًا لما بيكون فيه حاجة بحكيها لمراتي لأنها هي اللي هتشيل المعلومة».

واستكمل كريم فهمي: «على المستوى الشخصي أنا بحب المشاركة، الصراحة مهمة لأن الزوجين بقوا واحد في كل حاجة أنا بحب دايمًا أن كل الحاجات اللي ممكن تكون بتحصل على مستوى الشغل والحياة اليومية اللي ينفع تتقال بقولها على طول، ودا بالنسبالي لأن كل واحد حياته وظروفه مختلفة».

أراء كريم فهمي في الحب

وأضاف: «أنا راجل مش بعرف أعمل غير شغلي وهي قايمة بباقي الحاجات، أما مسلسل 220 يوم هو قصة حب بين أحمد ومريم وأصعب حاجة في صناعة عمل أن الشرير بتاع العمل أنت مش عارف تمسكه بإيدك لأنه المرض هو ده صعوبة المشروع ده بالذات، البطل مرضيش يقول لمراته لأنها كان عندها حلم بقالها 7 سنين نفسها تخلف ولما بقت حامل اكتشف أنه مريض، دي كانت ظروفه قرر ميقولهاش، ربنا يبعد عننا».

وعن رؤيته الخاصة للحب، قال كريم فهمي: «الكلام عن الحب مع الشريك اللي معاك بيختلف مع الوقت والخبرة والرحلة اللي بتعيشوها مع بعض ومع الحياة والصعوبات بيختلف عن لما تكونوا بتتعرفوا على بعض».