كندة علوش: سندت على صدر عمرو يوسف في مهرجان فينيسيا عندما شعرت بالتعب

تحدثت النجمة كندة علوش عن مساندة عمرو يوسف لها في مهرجان فينيسيا أثناء عرض فيلمها نزوح.

كندة علوش تتحدث عن عمرو يوسف

قالت كندة علوش في تصريحات تلفزيونية: 'كان قبل اكتشافي المرض، كنت رايحة المهرجان تعبانة من الولادة، كنت لسه والدة كريم بكم شهر، ورايحة لسه بالوزن الزائد من الولادة والتعب وتجربتي الصعبة'.

وتابعت: 'مكنتش عايزة اسافر، بس كان فيلم (نزوح) اللي بحبه جدا، كان لنا الحظ أنه معروض فيه وهو مهرجان كبير، وقولت مش هسافر، وعمرو قال لي (أنتِ هبلة)، قولت له (هسيب ابني ازاي)، قال لي (لا هتروحي وهروح معك، ويومين بالضبط وهتشوفي ازاي السفرية دي هتفرق معاكِ)'.

واستكملت كندة علوش حديثها، وقالت: العرض كان ساحر، والجمهور تواصل مع الفيلم بشكل رائع، وكنت ماشية على السجادة الحمراء تعبانة ومش قادرة ومش جاهزة، وعمرو حبيبي كان واقف ورا الناس بيصورني، فقولت له (تعالى اقف معايا)، وجيه، وبشكل طبيعي مش واخدة بالي خالص، ميلت كدة على صدره وغمضت عيني، وصحفي أحبه صور المشهد، ونزل الفيديو، وانتشر، كنت تعبانة وسندت على حد بحبه.

إصابة كندة علوش بالسرطان

وعلى جانب أخر، فاجأ الفنان عمرو يوسف الجمهور برد فعله بعد إعلان زوجته الفنانة كندة علوش إصابتها بمرض سرطان الثدي، خلال الساعات الماضية.

أعاد عمرو يوسف نشر فيديو لقاء زوجته كندة علوش، عبر خاصية الاستوري التابعة لحسابه الرسمي بموقع انستجرام، كإشارة لدعمه لها.

قالت الفنانة كندة علوش، أنها بعد 9 أشهر من ولادة ابنها «كريم»، بدأت تشعر بآلام في الثدي أثناء الرضاعة، فتوقفت عن الرضاعة الطبيعية، واستمر الألم 5 أشهر بعدها ولم يتوقف، وأجرت فحوصات طبية، واكتشفت وجود أكثر من ورم خبيث في الثدي.

وأضافت كندة علوش في تصريحات تلفزيونية: «لما عرفت بإصابتي بالسرطان قعدت متنحة شوية، بس منهارتش ومعيطتش .. ربنا نزّل عليا من أول ثانية سكينة وطمأنينة رهيبة من وقتها، وبقالي سنة وشهر بتلقى العلاج الكيماوي حتى وقتنا هذا، وعمرو جوزي كان بيصر يجي معايا جلسات الكيماوي، وكنت بقرأ قرآن».

كندة علوش

تصريحات كندة علوش

وأوضحت كندة علوش، قائلة: «عندي تاريخ مرضي في العيلة مع السرطان خالي وجدتي وخالتي توفوا بيه، بس مكنتش متوقعة يجيلي.. ورفضت إني أقول لحد عشان كنت عاوزة أخوض الرحلة لوحدي، ومحدش يتعامل معايا كمريضة، عشان مدخلش في موود المرض وأتعب زيادة».

واستكملت كندة علوش حديثها قائلة: «قررت أعيش حياتي بشكل طبيعي، لأن أولادي صغيرين فمينفعش أدخل أجواء المرض للبيت.. وكنت بسيبهم في المصيف كل أسبوع آجي أخد جرعة الكيماوي وارجع في نفس اليوم.. وده كان شيء مرهق جدًا».

كندة علوش

كندة علوش