كندة علوش عن إصابتها بالسرطان: شعرت بألم في الثدي بعد ولادة ابني كريم

قالت الفنانة كندة علوش، أنها بعد 9 أشهر من ولادة ابنها «كريم»، بدأت تشعر بآلام في الثدي أثناء الرضاعة، فتوقفت عن الرضاعة الطبيعية، واستمر الألم 5 أشهر بعدها ولم يتوقف، وأجرت فحوصات طبية، واكتشفت وجود أكثر من ورم خبيث في الثدي.

وأضافت كندة علوش في تصريحات تليفزيونية: «لما عرفت بإصابتي بالسرطان قعدت متنحة شوية، بس منهارتش ومعيطتش .. ربنا نزّل عليا من أول ثانية سكينة وطمأنينة رهيبة من وقتها، وبقالي سنة وشهر بتلقى العلاج الكيماوي حتى وقتنا هذا، وعمرو جوزي كان بيصر يجي معايا جلسات الكيماوي، وكنت بقرأ قرآن».

وأوضحت كندة علوش، قائلة: «عندي تاريخ مرضي في العيلة مع السرطان خالي وجدتي وخالتي توفوا بيه، بس مكنتش متوقعة يجيلي.. ورفضت إني أقول لحد عشان كنت عاوزة أخوض الرحلة لوحدي، ومحدش يتعامل معايا كمريضة، عشان مدخلش في موود المرض وأتعب زيادة».

واستكملت كندة علوش حديثها قائلة: «قررت أعيش حياتي بشكل طبيعي، لأن أولادي صغيرين فمينفعش أدخل أجواء المرض للبيت.. وكنت بسيبهم في المصيف كل أسبوع آجي أخد جرعة الكيماوي وارجع في نفس اليوم.. وده كان شيء مرهق جدًا».