كوكا: الحقد عال أوي.. وميدو يرد: أنت لعيب على ماتفرج وفي دوري الألاضيش.. حوار ساخن

رد أحمد حسام ميدو، نجم نادي الزمالك ومنتخب مصر السابق على «تويتة» أحد متابعينه والتي كتب فيها: «في الحقيقة أحمد حسن كوكا عامل مسيرة احترافية مميزة جدًا.. النهاردة أحرز هدفه الـ99 في الملاعب الأوروبية وهو ثاني الهدافين من المصريين المحترفين في الخارج بعد محمد صلاح والثالث من حيث عدد البطولات بعد محمد النني وصلاح وأرقام تانية كثيرة مميزة.. كل التحية لمسيرته».

وجاء رد أحمد حسام ميدو مفاجئ للجميع بعدما اعترض من وجهة نظره الفنية وكتب: «مهاجم متواضع لا يصلح للمستوى الدولي حتى ولو احرز 1000 هدف».

ورد أحمد حسن كوكا لاعب فريق قونيا سبور التركي، على تعليق ميدو قائلًا: «مهاجم متواضع؟ أولا هو أنت أصلا مين طلب رأيك؟، ثانيا أنت مبطل كورة وأنت عندك 29 سنة و كل الناس عارفه ليه، ثالثا لو رقم الأهداف اللي أنا جايبه شايفه قليل ماجبتوش أنت ليه؟، مع أن اللي بيلعب في نادي أكبر فرصه بتكون أكتر في التسجيل.. رابعًا حاولت تبقى مدرب ومبتكملش شهر في أي نادي».

وأضاف كوكا في تويتة أخرى: «خامسا بتحاول تبقي إعلامي وتتكلم عن ده وده عشان تبقي تريند بأي شكل، أي حاجه عايز تدخل فيها، ده حتى صلاح في أول مشواره كنت بتتكلم عليه وحش، الحقد عالي أوي عندك من زمان وأنت بتتكلم وحش عني».

وتابع كوكا: «وأنا عارف أن أكبر غلط أني أرد عليك وأنت فاضي وعندك برنامج تتكلم فيه كل يوم بس أنا برده مش هيهدني كلامك وهفضل في طريقي، مركز في مستقبلي ومش عايز حاجه من الناس بعد مبطل كورة وبعد لما أموت غير السيره الحلوة».

ورد ميدو: «سيرة حلوه ازاي وأنت مابتعرفش تلعب، مفيش حد هيجيب سيرتك لا بالحلو ولا بالوحش».

وواصل أحمد حسام ميدو: «عمري ماروحت المنتخب علشان مناسب حد مهم.. أنت عارف كويس كنت بتروح المنتخب ليه.. رد في الملعب حاول تروح المنتخب.. أنت لاعيب تعبان وكل مؤهلاتك نسبك وأنت عارف كويس».

وختم حواره الساخن مع كوكا: «عمري ما لعبت في دوريات الألاضيش اللي أنت بتلعب فيها.. مصر كلها بتقول أنك لاعيب على ماتفرج مش أنا بس وتاني أنت عارف كويس أنت كنت بتروح المنتخب ليه».

كوكا وميدو

الذهاب إلى الأعلى