لؤي عن سبب ابتعاده عن الساحة الغنائية: الناس بيحبوا تتبع المشاكل والعورات

إسماعيل هاني 17 فبراير 2023 | 10:01 مساءً

تحدث المطرب لؤي، عن السبب الحقيقي وراء ابتعاده عن الساحة الفنية رغم النجاح الذي حققه بمشواره الموسيقي.

وقال لؤي، في تصريحات تليفزيونية: أنا لم أبتعد عن الوسط الفني، ولكن مع الأسف الناس بيحبوا تتبع المشاكل وعورات الغير، وبدل ما يبص للفن اللي بنقدمه بيبص للفضايح ومين أتجوز ومين أتطلق، وكمان من 2008 صناعة الموسيقى ضايعة خالص بسبب الإنتاج.

لؤي: فيه أزمة في حقوق الملكية الفكرية

وتابع لؤي: فيه أزمة في حقوق الملكية الفكرية، وبقينا كمطربين ننتج الأغاني لنفسنا وطبعا دي مسؤولية كبيرة خاصًة أننا عندنا بيوت وناس ورانا، وبقول للجمهور أنتوا متعرفوش الفنان ده بيصرف إزاي والتزاماته إيه.

وأضاف: ومن بداياتي خالص كنت متعود يكون معايا شركات إنتاج، إنما دلوقتي مفيش إنتاج ودا بقى على عاتقي، والأغنية عمرها ما بتجيب عائد الإنتاج، وصناعة الموسيقى كمان مش بتجيب فلوس، ونشوف كام مطرب وملحن وموزع بعدوا عن الوسط بسبب الظروف دي، ومع ذلك أحنا بنحاول نكمل؛ لأننا بنحب الفن.

لؤي عن ابنيه ليمار وآسر.. كنت هسميه «نمر»

وقال لؤي، في تصريحات تليفزيونية، إنه كان سيسمي ابنه «نمر» وليس «آسر»، لأنه لقب عائلته، فاسمه بالكامل هو لؤي تيسير نمر.

وأضاف لؤي، أنه اتخذ وقتًا طويلا للتفكير في اختيار اسمي ابنته (ليمار) وابنه (آسر)، مشيرًا إلى أن (ليمار) تعني بودرة اللؤلؤ أو في مرادف آخر تعني الذهب، ولكل إنسان من اسمه نصيب.

لؤي: اتعرفنا على بعض في الكلية

وقال لؤي، عن زوجته اللبنانية في تصريحات تليفزيونية: اتعرفنا على بعض في الكلية، أنا وهي كنا في قسم الأصوات، نظرة فابتسامة ارتبطنا وإتجوزنا.. وزوجتي بتكتب وتلحن وتغني، وعملت أغنيتين عشاني في ألبوم على خيرة الله، وعايشها.

لؤي عن زوجته: تقدر تفك حاجات كتير

وأضاف لؤي: يوم فرحنا عملت حاجة غريبة، لاحظنا إن مفيش أغنية لينا، فكتبت أغنية اسمها هغني لك، واكتشفت إن الكلمة الحلوة والطيبة غير إنها حسنة تقدر تفك حاجات كتير، والحضن، وأهم حاجة الصدق.

وكانت آخر أعمال لؤي الغنائية أغنية بس اطمن التي طرحها عبر قناته الرسمية بموقع يوتيوب، وهي من كلمات سامح فراج، ألحان محمد شحاتة، وتوزيع محمود صبري.