لقاء الخميسي: بطلت أسمع شيوخ واتشتمت بسبب مشهد الرقص في رمضان

أثارت الفنانة لقاء الخميسي ضجة واسعة وجدلًا كبيرًا، بسبب تصريحاتها بشأن آرائها الدينية، قائلة: «الديانة الإبراهيمية هي الأساس لأن إبراهيم هو الأساس».

وتابعت لقاء الخميسي عبر تصريحات تلفزيونية: «والدين يتحدث عن الله واحد مفيش غيره والأديان مختلفوش، وقبل ما يبقى في إسلام في مصر كانت مسيحية وقبلها يهودية، دخل عمرو بن العاص بقت مصر مسلمة ومبسمعش شيوخ بتتكلم عن الدين، ومبحبش أقول أنا مع مين وضد مين، ولكن بحب أسمع النقشبندي».

تصريحات لقاء الخميسي

واستكملت: «أنا عشت في بلد مش محتاجة حد يشرحلي حاجة، ولما كنت في الإمارات التربية الدينية كان جزء من المناهج ومدرسين الدين كانوا مصريين وأنا بقرأ بس ومبسمعش لـ حد، سمعت كتير ولكن مش مقتنعة بكل الحاجات، في ناس دلوقتي لطيفة زي الشيخ مصطفى حسني مريح وهادي وواعي، ممكن أكون أنا مش محجبة لكن أنا بحبه، بيديني إحساس السلام النفسي، علاقتنا بـ ربنا مش خناقة».

وأضافت الفنانة لقاء الخميسي: «في ناس بتضايق من أرائي وبيشتموني، لو أنت رافض فكرة تناقش، والناس بتشتم تقول أنتي متعرفيش ربنا، هل هما عارفين حياتي؟ أنا بعمل إيه في بيتي أو بدعي ربنا بقول إيه؟ حد دخل جوايا أنا صادقة ولا لأ؟ ربنا الوحيد اللي عارف الصدق من عدمه وعلاقتي بـ ربنا أحلى حاجة في الحياة، أنا راضية ومعايا زوج جميل راضي، وكل يوم الصبح بشكر ربنا على كل حاجة».

لقاء الخميسي مسلسل الزوجة الرابعة

ردت لقاء الخميسي على انتقادات مشهد الرقص في مسلسل الزوجة الرابعة، قائلة: «في مسلسل الزوجة الرابعة كنت خطيرة وكنت مستغربة نفسي، ومصطفى شعبان كان حابب جدًا الشخصية وأستاذ مجدي الهواري رسم الشخصية، وكل واحدة فينا كنا أنواع فاكهة، ومكنش في غيرة بين البطلات».

وتابعت: «وعلا غانم أعرفها من أيام المعهد هي شخصيتها قوية وعايزة تبقى المسيطرة، ولكن أنا كنت بسيب ليها مساحتها وإحنا كنا كابل خطير وهي مشعة وعندها كاريزما وهي فعلًا شاطرة، وفرقت معايا وعملنا شغل جامد وفي مشهد الرقص المخرج كان عايز كده، وده شغل، هو الرقص برا رمضان حلال، وجوا رمضان حرام، وطبعًا اتشمت على المشهد بتاع الرقص في الزوجة الرابعة».

واختتمت الفنانة لقاء الخميسي: «ولما أنا بتشتم زوجي بيزعل، وده شغلي واللوكيشن مليان ناس وأنا أصلًا مبعرفش أرقص شرقي وابني مبيتفرجش عليّ خالص ومحدش بيتفرج عليّ، مبيتفرجوش على عربي أصلًا مع نفسهم في عالم موازي».

لقاء الخميسي

لقاء الخميسي