لما حد يشكرني بكون فوق السحاب.. الصيدلي مينا يحكي كواليس عمله في توصيل الطلبات

أثار الدكتور مينا الصيدلي حالة من الجدل والتفاعل على مواقع التواصل الاجتماعي، بعد ظهوره أثناء عمله في توصيل الطلبات، لتتحول تجربته إلى حديث رواد السوشيال ميديا، خاصة بعد كشفه عن دوافعه للاستمرار في العمل، ورؤيته المختلفة تجاه السعي وراء الرزق وعدم الاستسلام للظروف.

وقال خلال لقائه مع الإعلامية نهال طايل في برنامج تفاصيل المذاع على قناة صدى البلد2: «أنا أب وعندي 2 أبناء، وبقول خليني في بلوتي، ولو شاب جه قالي أنا واقع وعايز رأيك، بقوله رتب وقتك ومضيعش وقتك لو عايز يشتغل حاجة تاني».

وأضاف: «لما حد يقولي شكرا ويثني على خدمتي، بكون مبسوط وزي ما أكون فوق السحاب، وأنا مش طيب أوي، ومفيش حد طيب دلوقتي، وبقول للكل لو حلمك راح أخلق حلم جديد مكانه، ولو مخلقتش حلم لنفسك ملكش لازمة إنك تعيش».

وتابع: «لما أوصل الأوردر متأخر بعتذر للعميل قبل ما أروحله، لأن ساعات ممكن حد من زملائي تحصله حاجة في الطريق، بقف أساعده».

وأشار إلى رد فعل العملاء، قائلا: «الناس طالما اعتذرتي خلاص، إحنا المصريين ناس جميلة، بكلمة وتراضيهم ويديلك تبس كمان».

وأضاف: «شغل الطبيب والصيدلي بيعتمد على الإرهاق الذهني أكتر، والفلوس اللي بتتبقالي الشخصية بجيب بيها يا زبادي يا سكر يا عسل عشان بحبهم، فيه جزء رايح لبابا وماما، وفيه جزء رايح لأولادي، وجزء للزبادي والسكر والعسل».

واختتم: «أنا كنت خايف النقابة تقول ده بيستهزق بالمهنة أو حاجة».

https://www.facebook.com/baladtv/videos/1750595982881815